amalinks wokungena

Breaking News

Ikhansili yeHarare Isifuna Ukuphungula Amanzi Asetshenziswa Yizakhamizi


Lake Chivero
Lake Chivero

Umanisipala weHarare uthi usezaqala ukuphungula amanzi asetshenziswa yizakhamizi.

Bathathe inyathelo leli ngenxa yezizatho ezimbalwa ezigoqela ukwehla kwesilinganiso samanzi edamu le Lake Chivero kanye lokuba esengcole kakhulu.

Lokhu kuvezwe yiziphathamandla zikamanisipala ezethekelele lelidamu lapho ebezibonisa isimo samanzi iqula lamakhansila akukomidi yezokulondolozwa kwemvelo eHarare.

Umabhalane omkhulu kumanisipala weHarare, uEngineer Hosiah Chisango, uthi kuzwisa usizi ukwenzakalayo eLake Chivero.

UMnu. Mabhena Moyo, osaphethe isikhundla sobona ngokubuthwa kwezibi ulandisa, uthe kumele abantu balondoloze amanzi eHarare.

Osakhulayo, uJan-Betrand Mhandu, uthi abantu kufanele ukuthi balondoloze amanzi ngoba izulu kalini ngemfanelo.

Abezombusazwe kanye lohulumende bona bayakhuthazwa ukuba balandele imithetho yokulondoloza amaxhaphozi lendawo ezigombolozele iLake Chivero hatshi ukwakha lokulima mahlayana okubikwa kuyimbhangela enkulu esingezelela udubo lokusilela kwamanzi, idamu seligcwele inhlabathi lengcekeza etshiyeneyo.

Udaba Esilethulelwe NguMavis Gama
please wait

No media source currently available

0:00 0:04:53 0:00

XS
SM
MD
LG