amalinks wokungena

Breaking News

Kulabanye Abantu Abachila Amakhala Kungakhulunywa Ngomuyi uRobert Mugabe


FILE: URobert Mugabe wangcwatshwa eKutama, koZvimba.

Kulabanye abantu abathi ilizwe leZimbabwe lalahlekelwa kakhulu kulandela ukubhubha lonyaka kowayengumongameli welizwe, umuyi uRobert Mugabe, lomuyi uDumiso Dabengwa, owayesekhokhela ibandla leZapu.

Bakhona njalo abathi sasesifikile isikhathi sababili laba sokuvalelisa izihlobo labangane emhlabeni ngakho-ke akulasizatho sokuthi abantu bakhale kakhulu. Kulabane abachothoza okwenziwa nguMugabe besithi wabhidliza ilizwe leZimbabwe.

Kodwa uNkosazana Abigail Mupambi, olwela ilungelo likazulu ekunhlanganiso ye#This Constitution, uthi ilizwe leZimbabwe lilahlekelwe ngokubhubha kukaMugabe loDabengwa.

UNkosikazi Grace Mugabe uhlezi duzane lesidumbu sika Robert Mugabe.
UNkosikazi Grace Mugabe uhlezi duzane lesidumbu sika Robert Mugabe.

“Singananzelela ekuhambeni kwabo, ucina ungazwisis ma ngingakhangela ikakhulu ubaba uDabengwa. Uthe ehamba, esekhokhelela i Zapu, i Zapu yonaleyo njalo esikade sivele kathesi sithakazelelasisithi thina khona, khona yangena ku Unity Accord ngo 1987. Khonaphana nje, okuyindaba kwakhona kuyakonfyuza. Sisala nje singasakwazi ukuthi kambe yena usitshiye esithi sense njani.Ungananzelela u baba uMugabe, ulwisane kakhulu le opposition for close to 20 years.Uthe esehamba, sekule narrative ethi khona khona yena ube esesupota mhlawumbe uvotele i MDC, lapho sibili akula muntu ongakuchaza khona lokho ”.

Uthi okudanisayo yikuthi abadala laba kabazange bephumele egcekeni ngendlela ababefisa ukuthi ilizwe lilungiswe ngayo.

“Engizama ukuthi ngikubeke yikuthi abadala laba bathe sebehamba, akukho sibili esingakutsho ikakhulu ukuthi kambe bona basitshiyele ndlela bani, besithi sense njani, njengabakhokheli kade bekhokhelela ezombangazwe ukuthi bathi bona sihambe ndlela bani. Mhlawumbe sekuyisikhathi sokuthi khona thina njengabantwana beZimbabwe sivule I new chapter sisethe i new narrative esingathi khona khona thina yiyo esifuna ukuhamba ngayo njengabatsha ”.

FILE: Amasotsha athwele isidumbu sikamuyi uDumiso Dabengwa ...
FILE: Amasotsha athwele isidumbu sikamuyi uDumiso Dabengwa ...

UMupambi uthi sokumele kudingwe abantu abangaloba ingwalo ngababili laba.

“Mina nxa ngikhangela nje, ikakhulu abadala ababili, ubaba uDabengwa lobaba uMugabe ekuhambeni kwabo, hayi ifuna labana esingathi khona ngama analyst abangacubungula batsho ukuthi kambe basitshiye besithi sense njani, yiphi indlela abathe sihambe ngayo. Mhlawumbe sithola khonaphana ama lessons learnt, lathi sivule ichapter entsha, sithatha okuhle abakwenzileyo, lathi sikhethe sitsho ukuthi hayi lokho okunye, thina hatshi asikufuni silungisise for the better of our country ”.

Bakhona abathi lanxa uMugabe loDabengwa basebenza kakhulu ukwenza ukuthi kube lozibuse eZimbabwe, abawugqibanga umsebenzi wabo. Omunye wabalombono lo nguMfundisi Wyson Dutch weBible Ministries.

“Lokhe singakafezeki isizatho esenza bakuyakulwa ukwenzela ukukhulula abantu ababencindezelwe. Siyakubona mihla ngemihla ukuthi lokhe kungakabi khona ebantwini, lokho okwayimbangela yokuya empini ukukhulula abantu. Sikhathi sonke abantu bengathi babheke emuva bekhangela lokho okwakukhona ngaleso sikhathi sombuso kaSmith, bazitshela ukuba kwakungcono ngaleso sikhathi.”

UMfundisi Dutch uthi isimo esibi somnotho lezombangwazwe eZimbabwe yikho okufakaza ububi bukahulumende kaMugabe.

aMABHASI Ezupco ...
aMABHASI Ezupco ...

“Akukho okukhwabithekayo ngaphandle kwenhlungu ezikhona, abantu sebenziwa abayanga kulalokho ababeyikho khona ngaleso sikhathi. Lanxa ungakhangela lawo mabhasi okuthiwa asiza uzulu, akancedi lutho. Udinga uswele ukuba kuyini isizatho sakhona sokuba lamabhasi yeZUPCO la kungaziwa ukuba asebenza kanjani. Awukwazi ukuba izobuya na loba hatshi leyo bhasi. Lokhe ungakenziwa umsebenzi owayelwa empini.”

Abalwela ilizwe leZimbabwe bathi ukubhubha kwababili laba kuphathe abantu ngendlela etshiyeneyo kusiya ngokuthi umuntu ukuluphi uhlangothi.

UMnu. Iphithule Maphosa, obona ngokwethulwa kwemibiko kubandla leZapu, uchasisa ngokungabe kucabangwa ngabantu ngokubhubha kuka Dabengwa.

UMaphosa uthi sokulomonakalo omkhulu elizweni kulandela ukubhubha kuka Dabengwa.

Kulabanye abantu abathakazelela ukubhubha kuka Mugabe besithi wayebusa ngochuku. UMaphosa uthi kunengi okuveza lokhu.

Abantu bathi uMugabe wayebusa ngochuku ...
Abantu bathi uMugabe wayebusa ngochuku ...

“Ubaba uMugabe ucine esifa nje esengumuntukazana. Emehlweni abantu abanengi kumbe enhliziyweni zabantu abanengi, akuzange kube le effect kakhulu ukudlula kwakhe emhlabeni ngaphandle nje kwedrama nje esayibonayo ekufeni kwakhe lasekungcwatshweni kwakhe. Kodwa asomuntu esingathi ukungabi khona kwakhe kube le effect engaka elizweni ngaphandle komonakalo nje awenzayo, atshiye ewenzile ozamele siwulungise njengesizwe ukuze sibuyele esimeni sokuthi siyaphila kuhle elizweni, sisenelisa ukusebenza , senelise ukuthi sizinakekela njengabantu beZimbabwe.”

UNkosikazi Sisasenkosi Mataruse, okumanyano wenhlanganiso zabatsha oweNational Association of Youth Organisations, uthi kunengi kakhulu okwawoniwa nguMugabe.

“Abamelele inhlanganiso yeNational Associations of Youth Organisations bathi bona bakhathazekile ngokunciphiswa kwamalungelo abantu beZimbabwe owokubuthana ukuxoxa kanye lokuhlaziya umumo welizwe. Bathi bona ngemuva kweminyaka engamatshumi amathathu lesitshigalolunye wokuzibusa njengelizwe, uzulu wonke ulokhe engenelisi ukukhuluma kanye lokuphatheka kwezombusazwe ekhululekile.

Amasotsha ancedisa ekususweni kukaMugabe esikhundleni.
Amasotsha ancedisa ekususweni kukaMugabe esikhundleni.

Abakubandla leZanu PF abagoqela uMnu. Munash Mtutsa, oyisiphathamandla salelibandla esigabeni sakoBulawayo bathi kungales’isizatho kwakumele asuswe umbusweni umuyi uMugabe kudedelwe abanye ebandleni lakhe baqhube umsebenzi ilizwe liye phambili.

“Eversince iOperation Restore Legacy eka2017, iZimbabwe sekulilizwe elikhululekileyo, sekulilizwe elokuthi abantu sebekhululekile ukukhuluma ngezombusazwe. Akusela kwesaba esasikubona kudala laphana okwakusithi abantu, wawusehluleka ukukhuluma nje kumbe usole uhulumende. Khathesi siyabona abantu bayakhuluma ngendlela abafuna ngayo, besola lapha abasola khona, belungise lapho abafuna ukuthi kulungiswe khona.”

Loba kulabantu ababethenda uMugabe loDabengwa, bakhona njalo abalokhe bebophe umoya besithi kunengi kakhulu akwenza esabusa ilizwe leZimbabwe okwalethela uzu okubi okwenza abantu bahlupheke kwele Zimbabwe.

Abantu Bathi Kunengi Okwalethwa Yikubhubha Kuka Mugabe
please wait

No media source currently available

0:00 0:05:10 0:00


Facebook Forum

XS
SM
MD
LG