amalinks wokungena

Breaking News

Kuyehlula Ukuguqula Indlela Yokuhlela Amadayimana


Diamonds
Diamonds
Amalunga enhlanganiso ebona ngokwenjiwa kwamadayimana abesemhlanganweni omkhulu we Kimberley Process eWashington DC, ehlulekile ukuvumelana ngomcijo weMelika wokuthi kumele kuguqulwe indlela ebizwa ngayo amadayimana.

Umnu. Allan Martin umqondisi wenhlelo zePartnership Africa Canada uthi iKimberley Process ibikhangelelwe ukwethula umbiko oqakathekileyo ngalokhu lokunye ekugqitshweni komhlangano wayo ngolweSihlanu.

Umnu. Martin uthi amalunga eKP awemazweni angempumalanga lawezwekazi le Africa alile ukuthi amadayimana asemazweni alomvukela abizwe ngegama linye njengalawo asemazweni angananzi ilungelo loluntu lokuthi ngamaConflict Diamonds.

Ele Zimbabwe elaziwa ngokungananzi ilungelo loluntu libikwa liyalile lalo linguquko.

UMartin uthi inhlanganiso ezizimele zodwa zizaqhubeka zilwisa ngamandla ngodaba lolu loba sokuzakwenziwa ngaphandle kwe KP. Uthi iKP izaphinde yethule umbiko ovumela ele Zimbabwe ukuthi lisebenze kungela migoqo eminengi emigodini yeMarange esesabelweni seManicalnd.

Unkosazana Nonsikelelo Ndlovu ingcwethi kwezelungelo loluntu okunhlanganiso ye Bulawayo Progressive Residents Association uthi okuqakathekileyo yikuthi kumele amadayimana eZimbabwe ancedise ukuthuthukisa inotho kazulu.
XS
SM
MD
LG