amalinks wokungena

Breaking News

Dumiso Dabengwa: Sesingena Kuzulu Sikhankasela Ukhetho Oluzayo


UMnu. Dumiso Dabengwa uhamba labanye bakhe eBurombo koBulawayo.

Annastacia Ndlovu

Umkhokheli webandla leZapu, uMnu. Dumiso Dabengwa ukhuthaza abantu ukuthi bahlole amagama abo kugwalo lokuvota oluzanda kulotshwa yikhomishini yeZimbabwe Electoral Commission.

Wethule amazwi la ngesikhathi ibandla lakhe lihlangana lozulu eBeula, esabelweni seMatabeleland South.

UDabengwa uthe sebeqalisile ukwethekelela emizini kazulu ngesikhathi sokulungiselelwa ukhetho lwelizwe.

Ibandla leZapu selilabantu abazalimela kukhetho oluzayo.

Ozamela isiqinti seMatobo South ekubandla leZAPU, uMnu. Innocent Ncube, uthi abantu abanengi esigabeni sakhe lokhe bengakabhaliseli ukuvota.

UNkosikazi Cathrine Chandida Moyo, ozancintisa kuWard 5 eMatopo South, laye uthi babhekane lobunzima njengabesifazana kodwa ukhuthaze abanye omama ukuba bangene kwezombusazwe.

UMgcinisihlalo weZAP, eMatabeleland South, uMnu. Matthew Sibanda, ubonge isibindi sokungena kwezombusazwe kukaNkosikazi Moyo esithi abantu bengavumi ukwethuselwa.

Kuyonale inyanga mhla zilitshumi lasificamunwe munye kusiya mhla zingamatshumi mabili lasificamunwe munye, ikhomishini yeZimbabwe Electoral Commission izavezela abantu ugwalo lokuvota ukwenzela ukuthi bahlole ukuthi amagama abo alotshwe kahle.

Udaba Esilethulelwe NguAnnastacia Ndlovu
please wait

No media source currently available

0:00 0:03:15 0:00

Facebook Forum

XS
SM
MD
LG