amalinks wokungena

Abasakhulayo Bakhuthazwa Ukuthi Bavote Kukhetho Ngo2018

  • Mavis Gama

Abanye akade besemhlanganweni weVOA Studio 7 townhall eWashington DC abagoqela uNkosikazi Arikana Chihombori Quao, omele inhlanganiso yeAfrican Union.

Ingcwethi kwezokhetho zithi ukhetho lomnyaka ozayo luqakatheke kakhulu ngoba impumela yalo yiyo ezakhomba ukuba ilizwe lizathuthuka loba hatshi.

Umqondisi wenhlanganiso eqhuba inhlelo zokucubungula ezombusazwe, eye Zimbabwe Democracy Institute (ZDI), uDr. Pedzisayi Ruhanya, uthi kumele abamabandla ezombusazwe aphikisayo bazi okubahluphayo.

Uthi nxa bengakwenza lokhu balakho ukuthi banqobe ibandla elibusayo kukhetho oluzayo.

Omunye okunhlanganiso yeOccupy Africa Unity Square, uMnu. Charles Nyoni, uthi abasakhulayo kumele baphatheke kukhetho lolu ukwenzela ukususa uMongameli Robert Mugabe labanye bakhe embusweni.

Osakhulayo, uMnu. Ostallos Gift Siziba, uthi sesifikile isikhathi sokukhipha ibandla leZanu PF embusweni.

Abanye akade bekungxoxo mpikiswano eyenzelwe eWashington DC.
Abanye akade bekungxoxo mpikiswano eyenzelwe eWashington DC.

​Uthi lokhu kungenzakala nxa uzulu ezavota kukhetho lukamongameli oluzakwenziwa ngomnyaka ozayo.

UMnu. Alphious Mapuranga, isikhulumeli sebandla le United African National Council elalikhokhelwa ngumuyi uBishop Abel Muzorewa, uthi kumele kuqalwe kuguqulwe imithetho yokhetho anduba kuyiwe kukhetho.

Okudanisa uMapuranga yindlela abamabandla aphikisayo asebenzisana ngayo ukululungiselela lolukhetho.

Isikhulumeli sebandla le MDC-T, uMnu. Obert Gutu, uthi ibandla lakhe lizangena kukhetho lanxa ontanga balo besemba phansi ukuba bazoluphazamisa lolukhetho nxa kungenziwanga nguquko kwezokuqhutshwa kwalo.

Abebandla leZanu PF bathi akulanguquko ezokuba khona eyeneleyo eyenziwa ngesikhathi kulotshwa isisekelo sombuso ngesikhathi kubusa amabandla atshiyeneyo eZimbabwe.

Facebook Forum

XS
SM
MD
LG