amalinks wokungena

Breaking News

Banengi Abahlala Kwamanye Amazwe Abafisa Ukuncintisa Kukhetho Oluzayo


UMnu. Daniel Molokoele

Selokhu kuphume uMnu. Robert Mugabe esikhundleni kwangena uMongameli Emmerson Mnangagwa, isikhule okumangalisayo intshukuntshu yabasemazweni abafuna ukuphatheka ngokugcweleyo kwezombusazwe eZimbambabwe.

Lokhu sekwenze njalo baba banengi futhi asebebuyele ekheya ukuyamela amabandla atshiyeneyo ekhethweni oluzayo.

Abanye balaba bantu bagoqela uMnu. Carnicous Nkala ofuna ukumela iZAPU eGwanda Central, uMnu. Daniel Molokele ofuna ukumela iMDC Alliance eHwange Central, uMnu. Future Msebele ofuna ukumela iZAPU eNtumbane-Makhandeni, uMnu. Mthabisi Mlingo ofuna ukumela iZAPU eTsholotsho South, Intatheli uStantley Karombo obefuna ukumela iZANU PF eShamva North, uMnu. Nkosana Moyo umkhokheli webandla le Alliance for People’s Agenda labanye abanengi.

Izizalwane zeZimbabwe zona azivumelani ngokuthi le yinto enhle kumbe hatshi.

Isizalwane seZimbabwe uMnu. Star Ndlovu odabuka eTsholotsho uthi abasemazweni laba sebefunde okunengi lapho abebehlala khona okuyinto athi izaba lusizo olukhulu nxa bengangena ephalamende.

“Loba umuntu engaze abe seZimbabwe kumbe ekuliphi ilizwe, kulilungelo lakhe ukuthi umuntu ahambe abuyele ekhaya laye asebenzelane labantu bakithi ukuze ilizwe libe ngcono. Eyelwela abantu, nxa abantu bemthanda njalo esebenzelana la bantu kulungile.”

Abanye kodwa bathi njengoba besebelesikhathi eside bengekho elizweni ngeke bazizwisise ngokugcweleyo inhlupho ezibhekane labantu bendawo abafuna ukuzimela kulolukhetho.

Kodwake esinye isizalwane seZimbabwe uMnu. Mchasiseli Gwaza uyawuphikisa lo umbono esithi phose zonke izizalwane zeZimbabwe ezisemazweni ziyazi konke okwenzakala ekhaya njengoba yizo ezithumela abasekhaya ukudla layo yonke into abayidingayo empilweni.

“Akusikho ukuthi kumele ube seZimbabwe ukuthi ukwazi ukuthi kwenzakalani eZimbabwe ikakhulu kulesi isikhathi samanje esine internet nani nani. Kutsho ukuthi kululanje ukuthi ukwazi ukuthi kwenzekani emakhaya manje emini loba kusebusuku noma kusekuseni. Kuba lulanje ukwazi ukuthi kwenzakalani okuyikuthi manje hayi ngibonanje kukhululekile ukuthi uhambe uyecontestor ngoba you are always in touch ngezinto ezenzakalayo ekhaya.”

UMnu. Mthabisi Mlingo ngomunye wabasemazweni abafuna ukuyancintisa kulolukhetho kantike yena uzancintisa eTsholotsho South emele ibandla leZAPU. Uthi ayikho ngitsho leyodwa into eyenzakala kule indawo angayaziyo ngoba wethekelela ekhaya ukwedlula labo abahlala kobulawayo.

“Abangaphandle uyabathola bencedisa kakhulu ezigabeni zabo ukwedlula abaphakathi kwelizwe. Even lanxa singakhumbula kudala abantu akade bemela izindawo zabo abanye bebefundisiwe bengaphandle kwelizwe kubo Zambia ngesikhathi umzabalazo usitsha laphana so kuya ngokuzimisela kwakhe umuntu.”

Ngakwelinye icele abanye bathi kuzaba nzima ukuthi abasemazweni laba banqobe ngoba bezoncintisana labantu abaziwayo abebesiwa bevuka lozulu iminyaka yonke le bona bephandle kwelizwe.

Banengi Abafuna Ukuncintisa Kukhetho Oluzayo
please wait

No media source currently available

0:00 0:03:13 0:00

Facebook Forum

XS
SM
MD
LG