amalinks wokungena

Breaking News

'UMnangagwa loChamisa Kabaxoxisane Balungise Okuhlupha Uzulu eZimbabwe'


UMnangagwa loChamisa
UMnangagwa loChamisa

Abenhlanganiso ezilwela ilungelo loluntu eZimbabwe lemhlabeni wonke jikelele ezigoqela eyomanyano wamazwe womhlaba eyeUnited Nations bakhuthaza inkokheli yezombusazwe eZimbabwe ukuba ixoxisane ilungise inkinga ezibhekwe nguzulu.

Linkuthazo iza ngesikhathi kulabantu abanengi abathunjwa ngabacatshangelwa ukuthi ngamapholisa ensitha njalo ngesikhathi uhulumende kaMongameli Emmerson Mnangagwa evimba abamabandla ezombusazwe aphikisayo ukusebenzisa ilungelo lokutshengisela bekhonona ngesimo esiselizweni lanxa kungelimunyethwe yisisekelo sombuso.

Osetshiya umsebenzi, uAmbassador Bishow Parajuli, ummeli wenhlanganiso yomanyano weUnited Nations kwele Zimbabwe, uthi le yiyo kuphela indlela engaqeda ukufuthelana eZimbabwe.

Abezokholo labo sebelesikhathi behlabela ingoma efanayo, esola indlela esetshenziswa ukuqeda inxabano elizweni.

Umkhokheli wenhlanganiso yeZimbabwe Devine Destiny, uMfundisi Ancelimo Magaya, uthi

Abasakhulayo benhlanganiso yeConcerned Youth Citizen ekhokhelwa nguGerber Ngwere labo bavumelana lalinkuthazo yokuxoxisa.

Umgcinisihlalo womanyano wenhlanganiso ezizimele zodwa eyeZimbabwe Human Rights NGO Forum, uNkosazana Jestina Mukoko, uthi bakhathazekile ngokuthunjwa njalo langokuhlukunyezwa kwabantu.

Lanxa abakumsebenzi wokulwela ilungelo loluntu besengozini labo yokuthunjwa, uNkosazana Mukoko uthi bazoqhubeka beqhuba umsebenzi wabo.

Ibandla leMDC elikhokhelwa nguMnu. Nelson Chamisa lithi selikhuphukile inani labantu abathunjwa ngabacatshangelwa ukuthi ngamapholisa ensitha.

Kodwa uhulumende labebandla elibusayo ele Zanu PF bathi ngamanga ukuthi kulabantu abathunjwa ngamapholisa ensitha labanye abadlelana lebandla elibusayo.

Abenhlanganiso yabalwa impi yenkululeko abasekela ibandla leZanu PF, batshele intathlizindaba ukuthi baqamba amanga labo abathi bayathunjwa ngabezomvikela.

Bathi abenza lokhu bazama ukululaza uhulumende kaMongameli Mnangagwa.

Udaba Esilethulelwe NguMavis Gama
please wait

No media source currently available

0:00 0:04:02 0:00

XS
SM
MD
LG