************** Ibhanga elikhulu lelizwe eleReserve Bank of Zimbabwe lithi amabhanga kumele ayehlise imithelo ayifakela uzulu nxa ethatha imali emabhanga. Uzulu ubebhadala imali efika amadola amahlanu eMelika - $5 - kwamanye amabhanga nxa umuntu ngamunye ethatha imali engange $100.
************** Sokulokuxokozela ekukhethweni kwalowo ozathatha isikhundla sikaChief Justice Godfrey Chidyausiku kulabanye abathi uMongameli Robert Mugabe kumele aphiwe amandla kusisekelo sombuso welizwe ukuthi azikhethele ozangena esikhundleni lesi hatshi ikhomishini yeJudicial Services Commission.
**************Uzulu uthi uhulumende kenzanga kahle ngokunika uhlangothi lwezempilakahle imali eyigcosona kuluhlu lwendleko zikahulumende zomnyaka ka2017.
************** Sokulungiselelwa umcimbi wokubukisa izigqoko lokunye okufanayo koBulawayo. Sizalethulela okungengi ngaloludaba.
************** Njengenhlalayenza sizalethulela okutshiyeneyo kwezemidlalo.
********** KuLivetalk lamuhla sizaxoxa ngokuxokozela kokukhetha omkhulu wezomthethwandaba ngesikhathi uChief Justice Godfrey Chidyausiku elungisela ukutshiya umsebenzi okusemthethweni ngomnyaka ozayo. Isisekelo sombuso welizwe sikubeka sobala ukuthi iJudicial Services Commission kumele iphume lebizo lozathatha isikhundla lesi umongameli welizwe abesekheth-ke lowo abona ukuthi usekelwe yiJSC. Ulakho ukuthi angalandeli lokho okufunwa yiJSC.
Lingakhuthwa yilezindaba lezinye kuStudio 7 ngo half past 7 ntambama kumagagasi athi 909 am, 4930, 6065, 15460 laku 13860 kilohertz kuShortwave. Sitholakala njalo kuWhats’app lakuFacebook ekhasini lethu ele VOA Ndebele.
