amalinks wokungena

Breaking News

Sebedlela Evalweni Abangakatholi Amaphepha eZimbabwe Exemption Permits eSouth Africa


Kuhlolisiswa abantu abavela kwele South Africa emgceleni weZimbabwe.

Izizalwane zeZimbabwe ezingakatholi amapermit azo ohlobo lweZimbabwe Exemption Permit (ZEP) sezethule ukukhathazeka njengoba inengi labaqatshi lamabhanga sebewafuna kakhulu amapermit la.

Lobanje uhulumende wakwele South Africa esethembise kanengi esithi wonke owafaka isicelo samaphepha awe ZEP uzayithola kungakafiki uMpandula, inengi labangakawatholi la ma permit bathi sebethwele amagabha avuzayo. Sekulaba qatshi lamanye amabhanga abathi kabaveze amapermit la kumbe baphume baphele.

Isizalwane zeZimbabwe uNkosazana Busani Ncube uthi useze engaselalo ithemba lokuthi uzayithola ipermit yakhe.

“Ngi aplayele ipermit mhlaka 23 October namanje, angikatholi impendulo. Ngabhadala imali yonke eyayifuneka phezu kwaleyo mali ngafaka iR20 ye sms. Angikaze ngithole sms angikaze ngithole nhex.”

Njengoba la maPermit baqala ukufaka izicelo zawo nyakenye ngomfumfu, inengi lalitshele abaqatshi lamabhanga ukuthi kusiyaphela umnykaka azabe esephumile.

Abanyeke abaqatshi lamabhanga bakuzwisisa ukuthi mhlawumbe enyangeni ezintathu zika 2018 azabe esephumile njengoba la abebelawo ephelelwe yisikhathi ngo Mpalakazi ka 2018.

Kuze kube lamhlanje banengi abangakawatholi abathi sebebhekane lokuphelelwa yimisebenzi loba ukuvalelwa amabhuku abo emabhanga.

Lokhu kwenzakala kungenani ukuthi ugatsha lwendaba zasekhaya kweleSouth Africa lwethula ingcwadi lukhuthaza bonke abalobudlelwano labeZimbabwe laba ukuthi bebavumele besebenzelana labo bazwe bathole amapermit la.

Esinye isizalwane seZimbabwe umnumnzana Film Mbango uthi, sekuze kusiba nzima lekutholeni usizo endaweni ezifana lokuthatha amaphepha okutshayela imota.

“Siyayibonga imizamo yogatsha lwendaba zasekhaya lokuthumela imilayezo yokuthi semukelwe zingatsha zikahulumende lamabhanga ngesikhathi sisalindele amapermit la. Kodwake ugatsha lwezokuthutha luyala ukusinceda iakhulu thina esisalindile kungakhathalekile ukuthi ulobufakazi bokuthi wafaka isicelo sepermit.”

UMnu. Greatman Mkhwebu yena uthi uselohlupho ngoba wathi ngokuvakatshela eZimbabwe waphiwa amalanga emgceleni ngethemba lokuthi azakuthi ephela amapermit la esephumile.

“Sesibuya back eSouth Africa saphiwa amalanga ama two months ama three months eborder and mina nginaleyo nking yokuthi le three months angayiphiwayo iyaphela in few weeks time. Ukuthi lapho so into esingisalele yi overstay ngoba uku overstayer eborder yinking ma usubuyela ekhaya ngoba you have to pay ifine ye R2,500.”

Lobanje bebanengi asebewatholile amapermit abo ugatsha lwendaba zasekhaya lulokhu lugcizelela ukuthi ngokohlelo lwalo, kuzafuze abantu baqale ukukhathazeka ngokungatholi amapermitla nxa uhlelo lokwethulwa kwawo seluphelile, okungumsebenzi olukhangelele ukuthi ufezwe ngoMpandula.

Facebook Forum

XS
SM
MD
LG