amalinks wokungena

Breaking News

Asekuzinga Eliphezulu Amalungiselelo Omdlalo Wokuntsheza


Kulamazwe ambalwa azaphetheka kumncintiswano lo.
Kulamazwe ambalwa azaphetheka kumncintiswano lo.

Abadlali bomdlalo wokuntsheza abaphuma emazweni alitshumi lantathu bazabe bethe gwaqa edolobheni lako Bulawayo kusukela mhla zilitshumi lesithupha kusiya mhla zilitshumi lathoba munwe munye kunyanga kaNhlolanja.

Ilizwe leZimbabwe yilo elilomlandu wokuqoqa imidlalo ye CANA Zone IV Swimming Championships lonyaka njalo yonke imncintiswano izaqhutshelwa ebhukutshweni le City Pool lona elaziwa kakhulu ngegama elithi koBarrow.
Isiphathamandla senhlanganiso ye Matabeleland Swimming Board uNokuthula Cyprianos uthi basebenza ngamandla ukuba usuku lokuqala kwemidlalo lufike yonke into ihlangene.

“Kusukela mhlaka 16 kuyabe kulomncintiswano we CANA njalo silamazwe edlula itshumi aphuma kuzwekazi le Africa abuyayo ukuzoncintisa. Sisebenza nzima ukuba zonke izinto zilungele ukuqala kwemidlalo.”

Aamazwe azaphatheka kumidlalo asekhulume ngokubuya kwawo ngagoqela ele Angola, Botswana, Madagascar, Malawi, Mauritius, Mozambique, Namibia, Seychelles, South Africa, Zambia, Kenya kanye lele Tanzania.

Amazwe athi ele Kenya kanye lele Tanzania kawasiyo ngxenye ye CANA Zone IV kodwa amenyiwe ukuba azophatheka njengezethekeli.
Nyakenye ilizwe le Mauritius yilo eliqoqe limidlalo njalo iqembu elimela ilizwe leZimbabwe liphutshe lisendaweni yesithathu.

UCyprianos uthi abadlali bakuleli bayazilolonga okuzwayo ukuze benze ngcono kulanyakenye.
“Abadlali bethu bayazilolonga okuzwayo bafisa ukuba baqhube kahle kulumncintiswano.”

Kumncintiswano yokuntsheza kuzakuba khona njalo imidlalo ye Water Polo yona ezangenwa ngamaqembu amela ilizwe le Zimbabwe kanye lamaqembu amela ilizwe le South Africa.

Abadlali abazaqhuba kuhle kumidlalo ye CANA Zone IV Swimming Championships balakho ukuthola ithuba lokuyaphatheka kumidlalo yezizwe zomhlaba eye 17th Fina World Championships ezaqhutshelwa elizweni le Hungary lonyaka.

please wait

No media source currently available

0:00 0:02:04 0:00
Lapho esitholakala khona

XS
SM
MD
LG