amalinks wokungena

Ukwemba Amatshe Aligugu Sokukhahlameza Izakhamizi

  • Mavis Gama

EGoddard Mine.

Izakhamizi zeMapanzure leMhondongosi eZvishavane eNkabazwe zikhala ngohlangothi lwezokwemba ukuba solubalethele inkinga ezinengi kumpilakahle yabo lezifuyo.

Zibeka umlandu abemba ilitshe le chrome ngaphandle komthetho wokutshiya bengcolise isigaba sabo ngengcekeza egoqela leyabantu ndawana yonke ngoba bengela zambuzi abasebenza khona.

Uzulu weZvishavane uthi akalankinga ngabamankampani amakhulu abalisa eye Goddard ko Mapanzure le Mimosa Chrome Mines, abasebenzela eMhondongori.

UMnu. Fortunate Siziba owaphosa wabhubha esemba amatshe aligugu.
UMnu. Fortunate Siziba owaphosa wabhubha esemba amatshe aligugu.

Uthi amankampani amabili la ayakuzwisisa ukuqakatheka kokugqibela amagodi nxa sebeqede ukwemba ilitshe eligugu ele chrome, ukwenqabela ingozi zokulahlekelwa yimpilo kwabantu lezifuyo kanye lokuvuselela umhlabathi banelise ukulima.

UMnu. Kudakwashe Zireva ngomunye wezakhamizi zaseMhondongori oyisiphathamandla njalo se Mhondongori Resources Community Development Trust, obona ngezokulondolozwa kwemvelo, ukuhlala kuhle kwabantu kanye lokuhlonitshwa kwamalungelo abo.

UZireva, ongunobhala jikelele njalo, kukhomidi yezokukhulumisana lebenkampani ye MIMOSA, uthi angagqitshelwa lamagodi uzulu uzokwanelisa ukuqhuba inhlelo zentuthuko ezibalethela inzuzo.

UZireva uthi inkinga ikulaba abalemigodi emincane, ama small-scale miners labemba okungekho emthethweni omakorokoza.

Abemba okungekho emthethweni.
Abemba okungekho emthethweni.

Ukungenela kwabenhlanganiso yeZELA esigabeni seMhondongori, izakhamizi zithi kusize kakhulu, ngoba kuzivule amehlo kwezamalungelo azo lokulondolozwa kwemvelo yazo.

UNkosikazi Tinomuonga Dlodlo, ngomunye wezakhamizi zakulindawo okhathazeke kakhulu ngalesi simo.

Ngaphandle kwala magodi, uNkosikazi Dlodlo uthi belobutshapha obukhulu ababenzayo omakorokoza laba, lapho besemba ichrome.

Uzulu weMhondongori uthi okwenza baqholoze omakorokoza kuyingoba besekelwa yiziphathamandla ezilezikhundla zaphezulu kunhlangothi zikahulumende, lenkokheli yombusazwe, ezibavikelayo sikhathi sonke lapho befuna ukuthathelwa amanyathelo anzima.

Zifisa ngaye uhulumende uyangenela, asize ekuthini bajeziswe laba bantu lapho besephula umthetho, njengoba abakutshiyayo, kuyingozi empilweni lempilakahle kazulu lezifuyo zabo.

Phandle kwe Mimosa Mine.
Phandle kwe Mimosa Mine.

Kolunye ugwalo olwalotshwa ngabenhlanganiso ebona ngezokulondolozwa kwemvelo ye ZELA ,oluthiwa " From the Great Dyke to the Great Threat ", abenhlanganiso le bakhuthaza abamankampani emba i Chrome, ukuba asebenzisane lozulu wakulezo zigaba lapho kutholakala khona amatshe aligugu, kwezokutholiswa kwencwadi ezivumela ukuqhuba imisebenzi yokwemba, ukwenzela ukuze babanjwe ngamandla ukulungisisa lezondawo.

Facebook Forum

XS
SM
MD
LG