amalinks wokungena

Breaking News

Uyakhala uLizwe Sweswe Ngokunqotshwa Kweqembu leFC Platinum


FILE: Abadlali abeqembu leFC platinum bathakazelela ukuthela ibhola emambuleni.

Ophethe isikhundla somqeqetshi weqembu lenguqu ele FC Platinum, uLizwe Sweswe, uthi ukudelela yikho okutshayise iqembu lakhe ngele Bulawayo City emdlalweni wesigaba se Castle Premier Soccer League ngempelaviki edluleyo.

Iqembu le FC Platinum lingene kumidlalo yangempelaviki kuyilo elihlezi phezu kwengalane yemiklomelo kodwa lithe ngokutshaywa nge 2 ka nya ngele Bulawayo Chiefs lehla layahlala endaweni yesithathu.

Ababanengi abakade bekhangelele limpumela njengoba iqembu le FC Platinum kuyilo eliphethe isicoco seligi ikanti ele Bulawayo Chiefs lona lingene lonyaka kusigaba saphezulu.

Ophethe isikhundla sika mqeqetshi weqembu le FC Platinum uLizwe Sweswe uthi abafana bakhe banqotshwe ngoba besuke badelela.

“Umdlalo wakhona ubunzima kodwa ukudelela okusuke kwaba khona kuqembu lethu kusiphazamise kakhulu njalo bathe sebesihlohlile bahle baqala ukuzithemba.

Ukudliwa akusiyonto embi kodwa ngoba kutsho ukuba kumele siyelungisisa amaphutha ethu.”

Phezu kwengalane sekubuyele iqembu le Ngezi Platinum lona elilemiklomelo elitshumi lethobamunwe munye ikanti endaweni yesibili kuleqembu le Highlanders lona elilemiklomelo elitshumi lesikhombisa. Iqembu le Ngezi linqobe ele Mutare City nge 2 ka1 kuthi ele Highlanders litshaye ele Shabanie Mine nge 3 ka 1.

Zombili iNgezi le Highlanders yizo kuphela ezingakanqotshwa lonyaka kusigaba se Castle Premier Soccer League kodwa lesisimo silakho ukuguquka ngoba lawa maqembu ezangqikilana ngempelaviki ezayo enkundleni ye Baobab esendaweni yeMhondoro.

Endaweni yesine nxa usuka phezulu kuleqembu le Triangle United lona elilemiklomelo elitshumi lantathu kuthi endaweni ezine ezingaphansi kwengalane kutholakala amaqembu abalisa ele Mutare City lona elisendaweni yetshumi lanhlanu lilemiklomelo emihlanu, iqembu le Bulawayo City lisendaweni yesithathu nxa usuka emsileni lilemiklomelo emine, endaweni yesibili nxa usuka ngaphansi kuleqembu le Dynamos elilemiklomelo emithathu kuthi ele ZPC Kariba yilo elijeke amanye amaqembu lilemiklomelo emithathu.

Udaba Esilethulelwe NguJoseph Njanji
please wait

No media source currently available

0:00 0:01:59 0:00

Facebook Forum

XS
SM
MD
LG