amalinks wokungena

'Kaluqhutshwa Ngemfanelo Uhlelo Lokuvota Olwenziwa yiZEC'


Ambassador Catriona Laing.

Uhulumende wakwele Bhilithani usola uhlelo lokuthenga imitshina yakulez’insuku yokubhala amabizo abantu abazavota olwe Biometric Voter Registration, ezanceda iZimbabwe kukhetho oluzakwenziwa ngomnyaka ozayo.

Ibhilithani ithi kuzabanzima ukuba lolukhetho luqhutshwe ngolukhululekileyo njalo kungelansolo.

Ekhuluma ekoBulawayo ngoMvulo ngemva kokupha isipho semitshina yokucitsha umlilo eFamona Fire Station, omele iBhilithani eZimbabwe, uNkosikazi Catriona Laing, uthe sebethiye ilihlo lokhozi ekuqapheleni ukuba uhulumende weZimbabwe kaphambanisi uhlelo lolu ngoba esefake imigoqo ethize evalela inhlanganiso zomanyano wamazwe awezwekazi leAfrica ezinjenge SADC leAU ukukhangeleisisa ukuthi ukhetho luqhutshwa kahle.

Abanye akade befundisa koBulawayo indlela zokucitsha umlilo eziphezulu.
Abanye akade befundisa koBulawayo indlela zokucitsha umlilo eziphezulu.

UAmbassador Laing uthe ilizwe lakhe leZimbabwe livele lilobudlelwano obuqhulayo. Ugcizelele esithi iSADC leAU zenza izimiso ukuze kubelokhetho olumsulwa esithi inguquko kundlela yokuthenga limitshina ayisekho mngceke njalo lamabandla ezombusazwe aphikisayo lawo ayasola loluhlelo.

Abenhlanganiso yeBhilithani ebona ngezokucitsha imlilo, iOperation Florian Fire and Rescue Services Humanitarian Charity, baphe uBulawayo imota yokucitsha umlilo, imota yokuthwala izigulane lezinye impahla zokusebenzisa malanga onke.
Lesi sipho sivele kubudlelwano obuqinileyo bokusebenzelana phakathi kweScotland lekhansili yakoBulawayo

UManjinela wezokucitshwa kwemililo koBulawayo, uMnunzana Richard Petersen, uthe bayabonga isipho seOperation Florian ngoba sebenelisa ukuvula izindlu zokucitsha umlilo ezasezivaliwe ethi njalo baphakathi kokuqala ikolitshi elizafundisa omanjinela ngokucitsha umlilo.

UMayor wedolobho lakoBulawayo, uMnu. Martin Moyo, ubonge kakhulu usizo olusuke kwabe Operation Florian ngoba luvuselela luphinde njalo lwengeze ulwazi olulabomanjinela beZimbabwe ngoba sebebanengi befundiswa lumsebenzi.

Bafunde okumangalisayo abasebenza ukucitsha umlilo.
Bafunde okumangalisayo abasebenza ukucitsha umlilo.

Isizalwane seZimbabwe, uMnu. Sheperd Ndlovu, owasasungula uhlelo lokuthuthukisa izindlu zokucitsha umlilo, ongumbalisi eUniversity of Central Lancashire eBhilithani okhokhela omanjinela beOperation Florian, uthe baze njalo lonyaka ukuzofundisa lokupha isipho esithi uyajabula ngoba amadolobho ambalwa aphakathi kokufundiswa ngezokucitsha umlilo kuhlanganisa labomanjinela beZambia.

Ngokuma manzonzo kwezomnotho eZimbabwe, izithitshi ezimbili zokucitsha umlilo koBulawayo zasezivalile kodwa ngosizo lweOperation Florian oseluleminyaka eyisikhombisa izithitshi lezi sezatholiswa imitshina eyeneleyo ngoba ngaphambilini izakhamizi zaleli dolobho besezisengozini yokuqhamuka kwemililo kungela motha zokuyayicitsha.

Kodwa laloba sokunganeno khathesi, ikhansili ithi isaselokusilela ukucitsha imlilo emalokitshini abalisa iCowdray Park ngoba ikhatshana lezithitshi ezicitsha umlilo kodwa baphakathi kokuzama ubungcono babo.

Facebook Forum

XS
SM
MD
LG