Uhulumende usecele amankampani apheka isinkwa ukuthi ehlise intengo yaso ukuze kube lokukhulumisana phakathi kwengatsha ezitshiyeneyo ezigoqela yena uhulumende, abagaya iflour kanye labalungisa okunye okutshiyeneyo okusetshenziswa ukupheka isinkwa.
Isicelo lesi sethulwe yisikhulumeli sikahulumende uNkosikazi Monica Muntsvangwa ngemva komhlangano wedale leCabinet izolo ntambama.
Intengo yesinkwa ikhuphuke izolo isuka ku$2.50 yaya ku$3.50. Lokhu kutshiye abantu abanengi bekhala okumangalisayo.
Omunye wabantu laba nguMnu. Trymore Mpofu, oyisakhamuzi seNyabane ePlumtree.
UMpofu uthi akusaphileki eZimbabwe ngoba intengo yempahla etshiyeneyo ikhuphuka mahlayana.
