amalinks wokungena

Breaking News

‘Uhulumende Katshiyane Lathi Nxa Sichothoza Umbhuqazwe weGukurahundi’


UMnu. Owan Maseko wabotshelwa ukudweba umfanekiso olesihloko esithi "Signing the unity accord" otshengisa uMongameli Mugabe loMnu. Joshua Nkomo beloba isivumelwano somanyano womnyaka ka1987.
UMnu. Owan Maseko wabotshelwa ukudweba umfanekiso olesihloko esithi "Signing the unity accord" otshengisa uMongameli Mugabe loMnu. Joshua Nkomo beloba isivumelwano somanyano womnyaka ka1987.

Abakumsebenzi wokulibazisa uzulu abagoqela abaculi, abalingisi, ababumbayo lokudweba kanye labalobi bengwalo bathi akumelanga bekhathazwe nguhulumende benganza okuhambelana lombhuqazwe weGukurahundi.

Bathi isisekelo esitsha sombuso welizwe sibanikeza amandla okuthi benze abakufunayo okugoqela ukuchothoza uhulumende ukwenzela ukuthi ananze amalungelo kazulu.

UNkosikazi Priscila Zitha ngomunye walabo abathi uhulumedne katshiyane lembongi kanye lababazayo lomuntu wonke owenza umsebenzi okhuluma ngeGukurahundi.

UMqondisi wenhlanganiso yemidlalo eyeVictory Siyanqoba, uMnu. Desire Moyo, uthe uhulumende kayekele ukubalandela kumbe ukukhahlameza abalibazisa uzulu ngendlela ezitshiyeneyo.

UMnu. Owen Maseko ume duzane lomfanekiso weGukurahundi owambophisayo.
UMnu. Owen Maseko ume duzane lomfanekiso weGukurahundi owambophisayo.

UMnu. Owen Maseko labanye abambalwa sebekebabotshwa ngemva kokudweba lokubukisa imifanekiso lokubunjwayo okubonisa izenzo zeGukurahundi eyebulala abantu abazinkulungwane ezingamatshumi amabili – 20,000 – eNkabazwe leMatabeleland kusukela ngomnyaka ka1983 kwaze kwayafika umnyaka ka1987.

Udaba lweGukurahundi luyanyenyezwa eZimbabwe lapho okulamapholisa ensitha adobha loba ngubani oluphathayo esithi kuvula amanxeba alabo abafelwa yizihlobo labangane ngesikhathi seGukurahundi.

Udaba Esilethulwe NguNompumelelo Moyo
please wait

No media source currently available

0:00 0:03:01 0:00
Lapho esitholakala khona

XS
SM
MD
LG