amalinks wokungena

IZimbabwe Ifuna Ukuguqula Umthetho weHealth Services Act


FILE: Udokotela uhlola umntwana ocabangelwa ukuthi ulomkhuhlane wesihudo ekilinika eHarare.

Abogatsha lwezempilakahle baphakathi kokuqhuba imihlangano bedinga imbono kazulu ngokuzama ukuguqual umthetho wezempilakahle oweHealth Services Act.

Lokhu sokunconywe zinhlanganiso ezizimeleyo, ingcwethi zezempilo labakumsebenzi wezempilakahle.

lqula lengcitshi ekuguquleni imithetho yelizwe ukuze ihambelane lesisekelo sombuso esitsha okuthiwa yi-Inter-Ministerial Taskforce ephansi kogatsha lwezemithetho ledale lephalamende liphakathi kokuguqula umthetho wezempilakahle ukuze uhambelane lesisekelo sombuso.

Inkokheli zogatsha lwezempilakahle zezibhedlela ezehlukeneyo lezenhlanganiso ezizimeleyo ezikhankasela amalungelo oluntu kwezempilakahle bahlangene koBulawayo bebonisana ngokuba umthetho weHealth Services Act Chapter 15:16 kumele uguqulwe ngenhloso yokuthi amalungelo ezigulane lezisebenzi zezempilakahle kumele acace.

UNkosikazi Runyararo Gurira, isiphathamandla sogatsha lwezemithetho ledale lephalamende, uthi asiwo wakuqala umhlangano wokuzwa imbono kazulu ngalumthetho wezempilakahle.

Health
Health

UNkosikazi Aminata Ruwodo, owenhlanganiso ye Centre for Applied Legal Research, uthi benza ucwaningo lwemithetho okumele iguqulwe lesisekelo ukuze ihambelane lesisekelo sombuso welizwe kanye lokuhlawulela imihlangano ukuze abantu baphe imibono yabo.

Omunye njalo ovumelana lalokhu nguNkosikazi Sendra Gumbo, umgcinisihlalo webhodi yeIngutsheni Hospital, othi loluhlelo solubavule inkophe ukuba basebenze ngayiphi indlela.

Umgcinisihlalo wenhlanganiso elewela amalungelo ezigulane iCommunity Working Group on health, uMnunzana Desmond Ntini, uthi bayathokoza ngokwenza kukahulumende ngoba labo bayenelisile ukupha imibono yabo.

Isisekelo sombuso esitsha esaqala ukusebenza ngomnyaka ka2013 sadala ukuba eminye imithetho ilotshwe kakutsha ukuze ihambelame lesisekelo sombuso.

Okwamanje ugatsha lwezemithetho ledale lephalamende liphakathi kokuloba kakutsha imithetho eminengi kodwa abanengi bakhala ngokuthi luhamba ngesiqhubu sonwabu.

Imithetho engamatshumi ayisithupha lantathu kumele iguqulee, elitshumi lambili ayikaguqulwa, kuthi eminye ikumazinga ayehlukeneyo okuguqulwa.

Facebook Forum

XS
SM
MD
LG