amalinks wokungena

Breaking News

Sebeqlisile Ukukhankasela Izikhundla Kuqembu leBosso


Highlanders 'Tshilamoya'.

Sekuqalile ukukhankansela izikhundla kuqembu le Highlanders njalo kulabambalwa asebephumele egcekeni ukuba bazangena kukhetho oluzaqhutshwa ekuqaleni komnyaka ozayo.

Omunye walaba nguNkululeko Ndlovu yena ofuna ukuba ngunobhala jikelele weqembu le Bosso le Highlanders.

Amalunga eqembu le Highlanders kuzamele ekhethe abakhokheli abatsha ngomnyaka ozayo ekupheleni kwenyanga kaNhlolanja njalo izikhundla okuyizo ezidinga abantu abatsha ngezigoqela esikamgcinisihlalo weqembu, esika nobhala jikelele kanye leselunga lekhomithi.

Sebekhona asebephumele egcekeni ukuba badinga amavoti ngomnyaka ozayo njalo omunye walaba nguNkululeko Ndlovu yena ofuna ukuba ngunobhala jikelele weqembu le Highlanders.

UNdlovu uthi ufundele ubukhokheli bomdlalo wenguqu njalo phezu kwalokho ulolwazi kwezobukhokheli bokuqhuba kuhle amabhizimusi okuyinto engaphathisa iqembu le Highlanders ukuba liqede isikwelede elilaso.

Kwezemidlalo uNdlovu akasuye muntu omutsha njengoba eke waba yingxenye yeqembu le FMH Academy ebelisidla ubhedu kusigaba se Bulawayo Province Junior League eminyakeni eyedluleyo.

Obengunobhala jikelele weqembu le Highlanders uEmmett Ndlovu sewethula umbiko wokuba yena akasoze akhankasele ukubuyela esikhundleni ngoba esefuna ukuqina ngezokholo njengoba sewagcotshwa ukuba ngumfundisi.

Abanye asebephumele egcekeni ukuba bazimisele ukungena kukhetho lweqembu le Highlanders ngabagoqela uKenneth Mhlophe ofuna ukuba ngumgcinisihlalo weqembu, uWisdom Mabhena Kanye lo Peacot Hadebe abafuna ukuba lilunga lekhomithi.

Facebook Forum

XS
SM
MD
LG