amalinks wokungena

Breaking News

Inhlanganiso Ezimbalwa Zifuna Kuphenywe Ukuthunjwa Lokutshaywa Kwamalunga Amathathu eMDC Alliance


UJohanna Mamombe I omunye wabathungwa batshaywa kabuhlungu ngabacatshangelwa ukuthi badlelana lohulumande. (VOA)

Kulenhlanganiso ezinhlanu ezikumisebenzi wokulwela ilungelo loluntu esezikhweze isikhalazo sepetion kumakhomishini amathathu zikhonona ngokuthunjwa langokutshaywa kabuhlungu kwabesifazana abathathu abakumanyano weMDC Alliance.

Inhlanganiso lezi zihambise ugwalo lokukhonona olujulileyo kumakhomishini agoqela eyeZimbabwe Human Rights Commission, Zimbabwe Gender Commission leye National Peace and Reconciliation Commission.

Abenhlanganiso lezi bakhala njalo ngokuhlukunyezwa kwabesifazane jikelele abalwela ilungelo loluntu elizweni labaphatheke kumikhankaso etshiyeneyo befuna bajeziswe kanzima labo abaphatheka kumkhuba omubi wokwephula ilungelo loluntu.

Umqondisi enhlanganisweni yeWomen’s Academy For Leadership and Political Excelence, uNkosazana Sitabile Dewa, uthi kumele kudingwe abantu abazimele bodwa abangaphenya ukuthunjwa kuka Nkosazana Joanna Mamombe, uNkosazana Cecilia Chimbiri loNkosazana Netsai Marova.

Uthi kumele kuhlolisiswe njalo ngokwephulwa kwamalungelo abo labanye njalo abesifazana abajayele ukudlwengulwa ngesikhathi kulokuxokozela kwezombangazwe eZimbabwe.

“Esikucelayo kuma khomishini asebenza ezimele kubalisa ukubunjwa kwequla labantu abazosebenza bezimele ukuphenya loludaba lokuhlukunyezwa kwabesifazane ngabezomvikela. Ukuthi ama khomishini la enze zibekhona indlela ezikhululekileyo zokuba abahlukunyeziweyo laba banelise ukuyakwethula ubufakazi babo phezu kwalokho okwabehlelayo. Sifuna umthetho usebenze babotshwe abenza lokho bahlawulwe abahlukunyeziweyo laba. ”

Ukosazana Dewa uthi base lingcwadi ngoMvulo kuyonale iviki okufakazwe ngesinye seziphathamandla kwenye yenhlanganiso enikezwe lingcwadi yezikhalazo eyeZimbabwe Gender Commission, uNkosikazi Virginia Muwanigwa.

“Yebo siyitholile lingcwadi yezikhalazo elethwe ngabenhlanganiso ezinhlanu ezisebenzisana labesifazane becela thina njengabe Zimbabwe Gender Commission ukuthi senze uphenyo. Thina besesivele sesiqalile ukulwenza lolo phenyo njengenhlanganiso. ”

Isikhulumeli senhlanganiso yababalisi yeAmalgamated Rural Teachers Union, uMnu. Nation Mudzitirwa, uthi kulabanye abaku ARTUZ asebeke bathunjwa batshaywa kabuhlungu ngabacatshangelwa ukuthi badlelana lohulumende kaMongameli Emmerson Mnangagwa.

Njenge ARTUZ silomkhokheli wethu uObert Masaraure wake wathunjwa nyakenye ngo2019 bamtshaya eHarare. Silo nobhala jikelele wethu oweAmalgamated Rural Teachers Union uRobson Chere abamthumba bamtshaya eActurus ngomnyaka odluleyo oka2019. ”

UMudzitirwa uveze ukuba kusanda kuhlukunyezwa esinye njalo isiphathamandla isiphathamandla senhlanganiso emela ababalisi abafundisa emaphandleni eyeAmalgamated Rural Teachers Union, uNkosazana Moreblessing Nyambara, okhokhela uhlangothi olubona ngezokulinganiswa kwamathuba phakathi kwabesilisa labesifazane lenhlalakahle yamalunga enhlanganiso le.

“Bamtshaya ngoMgqibelo 16 May ngemva kokuthi wakhuluma kuvideo yakhe eyenza isolidarity ekhuluma ukuthi abantu abangomama amalungelo abo amele ahlonitshwe. ”

Abamanyane beloba incwadi yezikhalazo bakwenze phansi kwesihloko esithi #WomenDemonstrate #NoToTorture #Justice #EndRape.

Lezi nhlanganiso zibalisa eyeWomen’s Academy For Leadership and Political Excelence, WELEAD Trust, Economic Justice for Women Zimbabwe, Female Prisoner’s Support Trust leye Imba Mukadzi/Umuzi Ngumama Trust.

Iphinde yathunyelwe njalo kunhlanganiso ezibalisa eye UN Women, African Union Commission, SADC Gender Commission, Ministry of Home Affairs and Cultural Heritage, Ministry of Justice and Parliamentary Affairs, Ministry of Defence, Security and War Veterans Affairs kanye leParliament of Zimbabwe.

Ukuhanjiswa kwalengcwadi yezikhalazo kuza ngemva kwezehlakalo ezimbalwa zokuthunjwa lokuhlukunyezwa kwenkokheli yesifazane ephatheke kwezombusazwe lokulwela ilungelo loluntu. Abasanda kwehlelwa yilokhu bagoqela ummeli weHarare West edale lephalamende uNkosazana Mamombe, uNkosazana Chimbiri loNkosazana Marova.

Uhulumende uthembise ukuluphenyisisa loludaba kwazakale okwenzakalayo nganxanye esithi bephule umthetho we-Lockdown ngokutshengisela okungekho emthethweni emzini weWarren Park.

Kodwa abenhlanganiso lezi bathi lokhe ziqhubeka zisanda lezi zehlakalo eziqondiswe kwabesifazane kusanda kuhlukunyezwa abanye ababili emzini weCowdray Park koBulawayo, uNkosazana Ntombizodwa Mpofu lodadewabo uNokuthula.

UNkosikazi Lucia Masvondo waseKaroi ubikwa wahlukunyezwa ngamapholisa labakubutho walunyiswa langezinja. Kulodaba njalo olungakagqitshwa emthethwandaba olwabesifazane abalitshumi lasificaminwe mibili - 18, ababikwa badlwengulwa ngabezomvikela nyakenye ngenyanga kaZibandlela kuthi abanye abadutshulwa ngoNgcwabakazi womnyaka ka2018.

Inhlanganiso Ezizimele Zodwa Zidla Amalahle Ngokuthunjwa Lokukhahlanyezwa Kwabesifazane
please wait

No media source currently available

0:00 0:07:48 0:00


Facebook Forum

XS
SM
MD
LG