amalinks wokungena

Breaking News

ZHRC: Senelise Ukuhlazulula Indaba Ezithile Ngo2017 Zokwephulwa Kwamalungelo


Ikhomishini ebona ngokulondolozwa kwamalungelo oluntu eye Zimbabwe Human Rights Commission (ZHRC), ithi ihlazulule amacala alikhulu lamatshumi amahlanu kulo umnyaka ophelileyo.

Ikhomishini le, eyeZimbabwe Human Rights Commission, ithi yenelise ukusebenza kakuhle okwamagama ngomnyaka ophelileyo. Ibike ukuba ihlazulule amacala angaba likhulu lamatshumi amahlanu aphathelane lokwephulwa kwamalungelo kazulu ngomnyaka ka2017 abalisa awabantwana abakade bexotshwa esikolo ngenxa yokuswela imali zama school fees, ezokuxotshwa kwabantu emaphulazini lapho abakade behlale impilo yabo yonke lezinye indaba.

"Kumnyaka ophelileyo, simelele abantu abagoqela izibotshwa, iziphepheli, labalemikhuhlane yengqondo." kutsho isikhulumeli salikomishini uNkosazana Priscilla Mbanga.

Ugcizelele ngokukhuthaza abantu ukuthi bangathandabuzi ukuzobika amacala abo amayelana lokungahlonitshwa kumbe ukwephulwa kwamalungelo abo.

EleZimbabwe ngelinye lamazwe akhokhelayo kwezokwephulwa kwamalungelo oluntu emhlabeni jikelele ikakhulu phansi kombuso kowayengumongameli ngaleso sikhathi uMnu. Robert Mugabe. Kungaleso sizathoikhomishini le izama ngazo zonke indlela ukuthuthukisa eleZimbabwe ukuze lisuke kuleso simo esibi.

please wait

No media source currently available

0:00 0:03:36 0:00

XS
SM
MD
LG