amalinks wokungena

Breaking News

NGO Forum: Inhlangothi Zikahulumende Ezinengi Zikhahlameza Uzulu


Inhlanganiso elwela amalungelo oluntu eyeZimbabwe Human Rights NGOForum ngoLwesibili yethule ugwalo oluveza isimo samalungelo oluntu elizweni ngomnyaka odluleyo, olwe State of Human Rights Report 2018.

Ugwalo lolu lulobufakazi obuveza ukuba ingatsha zikahulumende yizo ezikhokhelayo ekwephulweni kwamalungelo oluntu.

Ugwalo lolu luveze izehlakalo ezinengi zokwephulwa kwamalungelo oluntu okugoqela isehlakalo sokuziphatha kwabezomvikela baze badubule bebulala abantu abayisithupha eHarare ababetshengisela phezu kokuphuza kwabekhomishini yokhetho eyeZimbabwe Electoral Commission ukwethula impumela yokhetho.

Isiphathamandla seZimbabwe Human Rights NGOForum, uNkosikazi Thobekile Matimbe, uthi injongo yalolugwalo yikuveza isimo samalungelo oluntu elizweni lokuzama ukucebisa uhulumende lapho okumele alungisise khona.

Ingcwethi zamalungelo oluntu zincome ugwalo lolu zisithi lunika izixwayiso ezingaphakisa ekulondolozeni amalungelo oluntu elizweni. Omunye walezi ngcwethi nguMnu. Thabani Moyo, umqondisi wenhlanganiso ekhankasela ilungelo lentathelizindaba eye Media Institute of Southern Africa.

Kodwa abanye abanjengo Nkosikazi Cathrine Dube bathi abalathemba lokuthi uhulumende uzakwamukela amacebo akulolugwalo.

Ugwalo lolu luzakwethulelwa iziphathamandla zikahulumende ukuze zinanzelele amaphutha okumele alungisiswe. Kodwa uhulumende uqhubeka ephika ukuthi amalungelo kazulu ayephulwa ngamalunga enhlangothi zomvikela ezifana leCentral Intelligence Organization leCriminal Investigation Department lezinye.

Ngomnyaka odluleyo ikhomishini eyayikhokhelwa nguMnu. Kgalema Monthlante eyayicubungula udlame olwenzakala ngemva kokhetho yanikeza izixwayiso kuhulumende zokulondoloza amalungelo oluntu kodwa kuze kube namhlanje akula lesisodwa uhulumende ake wasilandela.

Udaba Esilethulelwe NguGibson Bhebhe
please wait

No media source currently available

0:00 0:03:58 0:00


Facebook Forum

XS
SM
MD
LG