amalinks wokungena

Breaking News

Lokhe Besidla Amalahle Abafuna iHwange Colliery Ibhadale Iholo


Hwange Colliery Company Limited

Annahstacia Ndlovu

Kuqhubekela phambili ukutshengisela kwezisebenzi zenkampani yamalahle eyeHwange Colliery Company Limited (HCCL), lalabo abakhumula amajogwe befuna imali yabo yeminyaka edlula emihlanu.

Lokhu kutshengisela kungene kuviki yesine lapho imuli ezitshengiselayo sezifake lamatende zisithi kaziyindawo kuze kulungiswe udaba lolu.

Abalwela amalungelo oluntu ilizwe lonke jikelele sebesole isenzo senkampani yamalahle eyeHCCL engaholisi isisebenzi lalabo asebathatha impentsheni besithi bephula amalungelo oluntu ngakho-ke uhulumende sokumele angenele.

Umqondisi weThis Constitutuon, uNkosikazi Abigale Mupambi, uthi uhulumende kangenele ngoba isimo sesisibi eHwange njengoba imuli ziphila nzima.

Umabhalane weIbhetshu LikaZulu, uMnu. Mbuso Fuzwayo, uthi kulusizi ukuba abantu abaphiwa imali yabo yinkampani yeHCCL. Uthi lokhu kuveza ukuba lokhe abantu bencindezelwa.

Umsekeli kamongameli weMthwakazi Republic Party, uNkosikazi Presia Ngulube, usole kakhulu ukuthulisa kukahulumende ngaloludaba.

UMnu. Thamani Ncube laye uthi ukutshengisela okukhona kuveza ukuba ezomnotho kwele Zimbabwe lokhe zingamanga kahle elizweni.

UMnu. Josphat Mcaca Ngulube uthe omama abalezihlobo ezisebenza eHCCL bengasuki baze baphiwe imali yabo.

Osakhulayo, uNkosazana Thando Gwinji, uthi kuyadanisa kakhulu ukuthi iHCCL ayithathi nyathela lokuzama ukutholisa abantu imali zabo.

Inkampani yamalahle iHCCL isithembise ukuba kusasa izakhulumisana lezisebenzi kodwa zona zithi zikhathele yizithembiso zamanga bafuna imali yabo yonke njengokuthenjiswa abakwenziwa kumaviki amathathu adlule. Impilo iya isibanzima kumuli zeHCCL seziphila ngokuncengisa.

Facebook Forum

XS
SM
MD
LG