Usomabhizimusi, uMnu. David Moyo, olamankampani edolobheni lako Bulawayo lasedolobheni leGwanda, usephathise iqembu le Street Set ngempahla egoqela amakawuso awokugqoka nxa lidlala ibhola.
UMoyo uthi amantombazana kawatholi usekelo olwaneleyo njengabafana yikho ekubone kufanele ukuba aphathise iqembu le Street Set.
“Abantwana abangamankazana isikhathi esinengi balesifiso esokudlala ibhora kodwa akulabantu ababasekelayo. Yikho ke sahlala phansi le management sakubona kufanele ukuba sincede abantwana abangamankazana sathenga ikit sabanika saphinda sabathengela njalo lama pads umntwana ngamunye samupha ama set angamatshumi amabili.”
Iqembu le Street Set elabunjwa yintathelizindaba uLee Mangena, lidlala kusigaba se Southern Region Women’s Football League njalo lisebenzisa inkundla ye Sizinda. UMoyo olezitolo ezithengisa ukudla lezigayo edolobheni lako Bulawayo lase Gwanda, useqhatshe amanye amankazana adlalela iqembu le Street Set ukuze bengacini beyekela ukudlala ibhola njengoba bengatholi iholo ngokudlala ibhola.
“Umntwana wesilisa angathi uyadlala ezemidlalo abantu baphanga bamphathise okwedlula umntwana owesifazane yikho thina sikubone ukuthi kasiphathise abantwana abangamankazana labo bephumelele emidlalweni abangabe befisa ukuyenza nxa kusenza befike phetsheya kolwandle.”
Inkampani ye Falgen Enterprise ithengele iqembu le Street Set ama unifomu amabili njalo eyinye yakhona ngebomvu elombala olithanga kuthi eyinye yakhona ngemnyama elombala omhlophe. Iphinde yabathengela njalo lamabhola.
