amalinks wokungena

Sobunjani Ubudlelwano beZimbabwe Lamanye Amazwe?

  • Mavis Gama

UMnu. Mike Bimha loMnu. Chris Mushowe

Uhulumende weZimbabwe uthi ukuncibilika kobudlelwano lamazwe akade elwisana leleZimbabwe kanye lokuchasiswa komthetho wokuthuthukisa umnotho wabansundu owe indigenization kulakho ukuguqula okunengi okwenzakala elizweni.

UMnu. Mike Bimha, umphathintambo wezamafekithali lokunye okutshiyeneyo, uthi inhlanganiso ezinjenge International Monetary Fund, PTA Bank, African Development Bank, World Bank lezinye ezisebenza emazweni atshiyeneyo kutshengisa ukuthi sokuloguquka kwendlela okwenziwa ngayo ezombusazwe lezomnotho eZimbabwe.

UBimha utshele iStudio 7 ukuthi lokhu kukhangelelwe ukuthi kuzaqhubekela phambili ngomnyaka ozayo.

Uthe uhulumende weZimbabwe wenza imizamo yonke yokuthi osomabhizimusi bakwamanye amazwe bavule amankampani kwele Zimbabwe.

Uthe eleZimbabwe ngelinye lamazwe alobelana isivumelwano sokuthengiselana lamazwe akumanyano we European Union ese Interim Economic Partnership Agreement.

Kungakho-ke amankampani eZimbabwe akhuthazwa ukusebenzisa lelithuba ukuthengisa impahla ayilungisayo emazweni akunhlanganiso ye EU.

XS
SM
MD
LG