amalinks wokungena

Izakhamizi zeGwanda Zikhala Ngokufakelwa Ngenkani Ama Water Meters


Izakhamizi zeGwanda ebezisemhlanganweni kulelodolobho lapho ebezikhonona khona ngokufakelwa ama pre-paid water meters bengavumanga uhlelo lolu.

Izakhamizi zeGwanda sezisole kakhulu ikhansili yalelidolobho ngokufaka imitshina yamanzi ezindlini, amaprepaid meters, ingazange ikhulumisane lozulu.

Zithi imitshina le isibangele ukuthi indleko yamanzi ikhuphuke.

Inengi labantu elikhulume emhlanganweni obuqoqwe ngabamela amalungelo oluntu iZimbabwe Lawyers for Human Rights likhonone ngenyathelo lekhansili lokufaka lezimpompi ezibamba uzulu ngamandla ukuthi abhadalele amanzi.

UNkosazana Nobuhle Ndlovu, omunye osefakelwe ipre paid meter endlini yakhe, uthi isimlethele udubo.

“Asizange sitshelwe lokhu osekwenziwa lamhlanje, so ngingahamba le $60, instead ukuthi bakhiphe i$32 yamatariffs then sebekhipha i40% yabo abathi ngeye sikwelede engilaso bahle baqale ngokukhipha i40% ngicine ngisala le$3 yamanzi of which amanzi awe $3 kawangiphutshisi inyanga njalo nginanzelela ukuthi emzini wethu weGwanda ama meter la afakelwa iloba ngubani engabuzwanda esibona kuyikuhlukuluzeka kwamalungelo ethu ngoba amanzi siyawafuna.”

UMnumzana Ndumiso Mpande ugcizelele esithi ubona engathi ikhansili ifaka lawa ma meter ukuze yenelise ukuthola imali.

“Kiyo yona ikhansili ekutholeni imali kukhanya kuyinto eright kodwa kithi thina izakhamizi asikuzwisisi ikakhulu thina esilezinye izikwelede ngoba nxa ufika khonaphana usithi uyababhadala bayakutshela ukuthi imali ethile iya esikweledeni ungabuya futhi usithi uyabhadala bayakutshela ukuthi sekutshintshile last month bekuyi human error khathesi souk computerised so iqiniso lakhona ukuthi kusebenza njani asikwazi.”

Unobhala jikelele wenhlanganiso yezakhamizi zeGwanda eyeGwanda Residents Association, uMnu Bekezela Maduma Fuzwayo, uthi ikhansili iyephule isivumelwano abasenzayo.

“Thina isivumelwano esasilaso lekhansili yikuthi amaprepaid meter aphiwa abantu abawafunayo kodwa ikhansili khathesi sibona sihambe phambili yafakela wonke umuntu amaprepaid meters.

“Nxa umuntu eqalisa ukuvulisa amanzi kumele abhadale $30 njalo izindlu ezinengi azikaconnector amanzi since kwafakwa amaprepaid meters. Sokunzima enkomponi ngoba abantu abasazwanani omakhelwani sebelala bekhiye ama meter.”

UNkosazana Nosimilo Chanayiwa oligqwetha uthi kungumlandu wekhansili ukuthi lawa ma meter asebenze ngokuqondileyo.

“Iprepaid meter ayisiyo eyyinkinga, inkinga yikuthi iyenzwa njani nxa kuyikuthi ikhansili iyanika amanzi athile ukuze benelise ukuphila kungahlukumezi ilungelo labo lamanzi then after lawana amanzi athile besebeqalisa ukubhadala ngeprepaid water meter akula problem”

UMayor weGwanda, uMnumzana Knowledge Ndlovu, uthi lobanje sebeyitholile imbiko eveza ukuthi amanye alawa ma meter kasebenzi kuhle kabangeke besalumisa loluhlelo njalo abalezikhalazo kabaze eWofisini.

Ikhansili ithi yathatha lelinyathelo ngemva kokunanzelela ukuthi uzulu Ubengasabhadali indleko zamanzi.

Facebook Forum

XS
SM
MD
LG