amalinks wokungena

Breaking News

Isigodlo seMelika eZimbabwe Sinika Inhlanganiso Ezizimeleyo Imali Yenhlelo


Umnumzana Bruce Wharton ummeli weMelika eZimbabwe

Inhlanganiso ezilitshumi lanhlanu, ezisemsebenzini yentuthuko, ngoLwesithathu zithole usizo lwemali yama grants, phansi kwesikhwama sikamongameli Barack Obama weleMelika, ese United States Ambassador’s Special Help Program.

Lezinhlanganiso ezithole usizo lwamagrants zisebenza lozulu wemaphandleni oswelayo njalo inengi labo kungabesifazane.

Emkhosini wokunikezwa lolu sizo, owenzelwe emahofini wommeli weMelika eZimbabwe, umnumzana Bruce Wharton utshele uzulu labameli balezinhlanganiso abavele ezigabeni zonke zelizwe ukuba olwalonyaka usizo lubiza inkulungwane phose ezilikhulu lengxenye zamadola- $149,000.

UWharton uthi lokhu kwenzakala ngemva kokuba abenhlanganiso ezedlula amakhulu amabili, belobele ihofisi yakhe bedinga usizo phansi kwesikhwama se Ambassador’s Special Self Help Program.

Bebekhona abaze bevelela esigabeni semaNdebeleni abenhlanganiso ye Lupane Women’s Center, abasenyakatho yeMaNdebeleni bona abathole usizo ngemva kokutshengisa ukuzinikela kwabo kunhlelo ezehlukeneyo okubalisa olokufuya imbuzi kanye lemisebenzi yokulima izivande.

Umgcinisihlalo weBoard yalenhlanganiso eye Lupane Women’s Center, unkosikazi Sylivia Nyathi otshengise ukulujabulela lolusizo uthi luzaphathisa uzulu wesiqinti sakhe.

Wengeza unkosikazi Nyathi ethi uhlelo lokulima ingadi, luzaphathisa uzulu ukuba athole ukudla okwakha umzimba kanye lokuziphilisa ngenzuzo azayithola esethengise isivuno.

Okusekelwe ngumqondisi walenhlanganiso ye Lupane Women’

Center, unkosikazi Hildgard Mupfukari, wakhuthaza njalo abesifazane ukuba baphatheke kunhlelo zokuzithuthukisa, basebenzise amathuba abawatholayo afana laleli elommeli weMelika.

Ummeli weLupane West edale lepalamende,umnumzana Martin Khumalo, ube khona laye ukuzosekela omama abavele esigabeni sakhe laba.

Umqondisi weKusile Rural District Council, eLupane, umnumazna Christopher Tshuma, laye ube khona emkhosini lo.

UTshuma uthi bakubone kufanele ukubambisana labenhlanganiso yabesifazane le, esigabeni akiso ngoba sebakunanzelela ukuba yibo abayinsika yentuthuko.

Uhlelo lwesikhwama sommeli weMelika selutholise usizo olubiza izigidi ezedlula ezimbili zamadoller, eminyakeni elitshumi edluleyo, njalo lusungulwe ngomnyaka ka 1980 ilizwe lithola uzibuse ngenhloso yokuthuthukisa abaswelayo emaphandleni ikakhulu abesifazane.

Abathole usizo lwalonyaka bagoqela inhlanganiso ezithi, Chiyumbunuzyo Arts and Culture Association, Midlands Aids Service Organisation, National Training and Conference of the Arts in Zimbabwe, Nyanga Community Development Trust, Manicaland, Sustainable Tourism Agenda, Rupere Primary School, Bright Tomorrow’s Zimbabwe Trust, Jesuit Refugee Camp, Tongogara Refugee Camp, Kuinashe Organisation lezinye.

XS
SM
MD
LG