amalinks wokungena

Breaking News

Usuqalisile Umbukiso Omkhulu oweZimbabwe International Trade Fair


Umbukiso weZITF walonyaka ulezithombe ezinengi zikaMongameli Emmerson Mnangagwa ...

Annahstacia Ndlovu

Umbukiso walonyaka wabamabhizimisi lokuthengiselana owe Zimbabwe International Trade Fair (ZITF), usuqalile koBulawayo lapho okubukisa khona osomabhizimusi abalutshwana kulalabo ababekhona ngomnyaka ophelileyo.

Umqondisi wenkampani yeZITF, uNkosikazi Nomathemba Ndlovu, uthi lonyaka amazwe abalisa eleBostwana, Ethopia, Ghana, Indonesia, Japan, Kenya, Malawi, Mozambique, Zambia, South Africa, Tanzania, alezindlu zokubukisa ezinkulu kuthi eleGermany, leleNamibia, Malaysia, India, China, Cyprus, Ghana, leUnited Arab Emirates azabe emelwe ngabosomabhizimisi abazimeleyo labatshali bemali.

Uqhubeke esithi ngesikhathi kusenziwa umbukiso lo, kuzaba lemihlangano eyehlukeneyo yabosomabhizimusi. Uthe lonyaka kulula ukungena eZITF kulabo abafisa ukuzobuka ngoba besamukela imali yebulenjini ukuhlawulela ukungena.

Ohlaziya ngezamabhizimusi, uMnu. Mandla Tshuma, uchaze ukuba umbukiso walonyaka ukhanya ungcono kuleminyaka edluleyo.

Okunye okubukiswa eZITF
Okunye okubukiswa eZITF

Omunye ongene umbukiso walonyaka, uNkosazana Mellisa Ndlovu, ubuke inani lamabhizimusi angene kumbukiso walonyaka esithi kuyathembisa.

Umbukiso weZITF walonyaka uzagqitshwa ngempelaviki. Kusukela mhlaka 24 kusiya mhlaka 26 kuyabe kulilanga labosomabhizimusi. Uzulu ukhangelele ukungena eZITF mhlaka 27 kusiya mhlaka 28.

Umbukiso walonyaka uqhutshwa ngaphansi kwesihloko esithi ‘Sustainable Industrial Development –I ncusive Competitive Collaborative’.
UMongameli Emmerson Mnangagwa nguye okhangelelwe ukuthi uzavula okusemthethweni umbukiso walonyaka weZITF.
Abenkampani yeZITF bahle bathatha leli thuba lokwazisa ukuthi sebeqalile amalungiselelo okuqala umsebenzi wokwakha indlu enkulu ezasetshenziswa ngabakumsebenzi wokuzilibazisa yabazabe bezobukisa kanye lezinye izindlu zokubukisa lemihlangano emagcekeni eZITF.

Udaba Esilethulelwe NguAnnastacia Ndlovu
please wait

No media source currently available

0:00 0:04:26 0:00

Facebook Forum

XS
SM
MD
LG