amalinks wokungena

Izizalwane zeZimbabwe Ezisola uMugabe Zitshengisela Esigodlweni seZimbabwe eLondon


Abatshengisele esigodlweni seZimbabwe kwele Bhilithane ngoLwesithathu.

Ezra Sibanda

Izizalwane zeZimbabwe ezingamatshumi amabili ngoLwesine zitshengisele esigodlweni seZimbabwe kwele Bhilithane lapho ezethule khona umbiko wokuthi uMongameli Robert Mugabe sokumele atshiye isikhundla sakhe ngoba useyehlulekile ukubusa ilizwe.

Amalunga enhlanganiso eyeziwa ngokuthi ‘Yes We Can Zimbabwe’ labamabandla wezombusazwe agoqela eleZapu leMDC atshengisele phandle laphakathi kwesigodlo siZimbabwe eLondon besithi abantu sebekhathele ngombuso kaMugabe.

Bangene emawofisini esigodlo lesi behlabela bathethisana leziphathamandla zesigodlo seZimbabwe bengakakitshwa kuleyo ndawo ngamapholisa.
Omunye wabo nguMnu. Peter Sidindi othe bafike bawisa amatafula bazama lokuthatha ngenkani izithombe zikaMugabe ezisemawofisini lawo.

Bebezonde began'unwabu abatshengisela esigodlweni seZimbabwe eBhilithane.
Bebezonde began'unwabu abatshengisela esigodlweni seZimbabwe eBhilithane.

UMnu. Sidindi uthe lokhu bekwenze benanzelela ukuthi sokunzima ekhaya lapho osokusilela khona amafutha ezimota lokuthenga impahla enengi ezitolo ngenxa yemibiko ethi sokuzasilela impahla etshiyeneyo.

“Namuhla singene kuEmbassy yeZimbabwe esitshengisele ukungathabi ngokwenzeka ekhaya eZimbabwe. Singene sabona ukuthi senze upside down amachair, sabona ukuthi phezulu lapho okufakwe khona amapikitsha kaMugabe konke sakhipha lokhu kuyikutshengisela ukuthi abantu bayadubeka and akula ipetrol akula okokudla ... Le yinto yokuthi malanga wonke ngoLwesithathu siyabe sihamba khonangale senza sibili ukubatshengisela ukuthi iZimbabwe isisukumile ukwenzela ukulwisana lokwenzakalayo.”

Omunye njalo obesendaweni leyo nguNkosazana Rosina Ncube owebandla leZapu othe kabasoze bekela ukutshengisela kuleyondawo uMugabe aze aphume esikhundleni.

Amapholisa axotshe abatshengisele esigodlweni seZimbabwe eLondon.
Amapholisa axotshe abatshengisele esigodlweni seZimbabwe eLondon.

“Besiyibambile eEmbassy singabomama bonke abamaphathi atshiyeneyo iMDC, iZHRO, iZapu bonke nje abantu bekhaya besihlangene sayibamba saze sangena phakathi kwe Embassy. Bekulabantu ababili akade bezolungisa into zabo savela sangena labo njengendlovu iyangenampela. Omama bathathe imifanekiso kaMugabe bawalahlela phansi.

“Sihlabele sazesazokhitshwa ngamapholisa phakathi abakade bephakathi babaleke bangena phakathi kwezindlu, angazi kumbe kulezindlu kumbe kulani phakathi khonaphana.”

Kasenelisanga ukukhuluma leziphathamandla zesigodlo seZimbabwe eziyalileyo ukuxoxa ngodaba lolu lomsakazo weStudio 7.

Amapholisa eBhilithane lawo ayelile ukukhuluma ngodaba lolu.

Facebook Forum

XS
SM
MD
LG