amalinks wokungena

Breaking News

Abantu beSigangatsha Bakhala Ngokuswelakala Komlilo Kagetsi


Izakhamizi labosomabhizimusi bakhala ngokuswelakala komlilo kagetsi
Izakhamizi labosomabhizimusi bakhala ngokuswelakala komlilo kagetsi

Izakhamizi zeSigangatsha esabelweni seMatabeleland South labosomabhizimusi bathi uhulumende kumele abadonsele amandla kagetsi ukuze kubelentuthuko endaweni yabo.

Omunye wabo, uMnu. Nqobani Bhebhe, ongusomabhizimusi, uthi okwamanje basebenzisa ama-fridge alentuthu ye gas leparafin okubenza bathole inzuzo ephansi kumabhizimusi abo.

Uthi balakho ukuthola imali ethe xaxa nxa bengasebenzisa umlilo kagetsi.

Omunye njalo usomabhizimusi, uMnu. Mkhokheli Ncube, olebhizimusi yokugela inwele lokuthengisa impahla, uthi uthwalanzima kungaba lamayezi ngoba amandla elanga awe-solar ayaphela kuthi-ke igas leparaffin kuyabe sokudula.

please wait

No media source currently available

0:00 0:03:27 0:00
Lapho esitholakala khona

Abakubhizimusi yokuthengisa utshwala labo bahlaba umkhosi labathengisa inyama besithi badonsa nzima kumabhizimusi abo kodwa impilo ingabalula uma bengathola umlilo kagetsi.

UMnu. Nkosilathi Nyathi, othengisa utshwala, uthi uthwele gadalala ngoba utshwala kumele abuthengise buqanda ngakho kuqakathekile ukuba abe le fridge esebenzisa umlilo kagetsi.

Isakhamuzi esihlala kuWard 6 koSigangatsha, uMnu. Laston Ndlovu, uthi kuyadanisa ukuba uhulumende sewalibala ngabo wazithembisa ukuba uzakwethulela uzulu uhlelo lwandla kagetsi.

please wait

No media source currently available

0:00 0:03:27 0:00
Lapho esitholakala khona

XS
SM
MD
LG