amalinks wokungena

Akulamaphilisi Lemithi Etshiyeneyo Emakiliniki koMadlambudzi


Kawakho amaphilisi anjengalawo athundubenza ubuhlungu ama pain killers.

Izibhedlela lamakilinika amanengi emhlubulweni waseMaNdebeleni aselenyanga ezedlula isithupha engatholi imithi lamaphilisi okwenza izigulane ezihamba umango omude zihlolwe kuphela zibuyele emakhaya zingatholanga imithi.

Lokhu sokudale olunye njalo uhlupho lokuthi izigulane azisazidubi ngokuyadinga usizo lwezempilakahle.

Izibhedlela lamakilinika abhekane laloludubo zigoqela eTsholotsho, eLupane, Madlambuzi lezinye, izisebenzi zempilakahle zigcezelele lokho kodwa zala ukuphuma zikhuluma ngoba zingelamvumo yokukhuluma lentathelizindaba ngokusebenza kwezibhedlela.
Isakhamuzi SakoMadlambuzi uNkosokazi Seli Seli Sibanda (76) uthi bengaze baye ekilinika baphiwa iPanadol kungakhathalekile ukuba umuntu uphethwe yini.

UMnunzana Mgwazo Dube osuka eMkhomeni eMpimbila ohambe amakhilomitha ayisithupha uthi bathembe ikilinika yeMadlambuzi ehlala ingela maphilisi ethi labanye omongikazi abalathando lezigulane.

UNkosikazi Angela Nkiwane weTshongogwe uthe basebenzisa ikilinika yeJotsholo isibhedlela yiSt Lukes okungumango.

UNkosikazi Soneni Mpofu oweMzola 3 eLupane uthe bahamba imango emide besiya esibhedlela esiseMzola 21.

UNkosikazi Tariro Siziba weMzola eK2 uthi umuntu ulakho ukugula aze aphose afe ngobude bomango bokufinyelela ikilinika.

UNkosikazi Ntombiyolwandle Ngono uthi isibhedlela abasithembileyo sikude okucina kudala ingozi ngoba umuntu eseswele umuthi kukanti ubengaphila.

Inengi lezibhedlela azilamota zokuthwala izigulane nomazikhona zifile, kuthi lenani labongi abasebenza ezibhedlela lemakilinika liyasilela. Inengi lazo lingela mithi, kuthi abalomkhuhlane wetshukela leBP inengi labo bezithengela. Abalezilonda bathwele nzima akulamithi kunye labalunywa zinyoka bayafa ngoba kungelamithi yokubelapha.

Facebook Forum

XS
SM
MD
LG