amalinks wokungena

Breaking News

Izizalwane zeZimbabwe Eziyiziphepheli eBotswana Ziyabihla Ngokubhubha Kuka Tsvangirai


Ezinye iziphepheli ezihlala eDukwi Camp kwele Botswana.

Abantu ababaleka kwele Zimbabwe bayaphephela kwele Bostwana kulandela ukukhahlanyezwa kwabo nguhulumende kaMnu. Robert Mugabe, owayengafuni ukuthi basekele umuyi uMorgan Tsvangirai, bathi balusizi ngokwehlele uTsvangirai.

Ezinye iziphepheli, ikakhulu ezabalekela udlakela ngomnyaka ka2008, zithi zilahlekelwe kakhulu ngokubhubha kukaTsvangirai.

Inengi ngabalandeli beMDC-T ababevotele uTsvangirai ngesikhathi encintisana loMugabe owayengumongameli ngalesos’ikhathi.

Abasekeli bebandal leZANU PF basusela labo ababesekela uTsvangirai amanqe, okwadala ukuthi abanye bayephephela kwele Botswana.

Esinye isiphepheli esingafisanga ukuqanjwa ngegama sithi basele besegcekeni, ngokubhubha kuka Tsvangirai.

“Thina esabeleka udlakela olwabakhona, silusizi ngemva kokulahlekelwa ngumkhokheli wethu uTsvangirai, asikwazi ukuthi sizaqonda kuphi.”

Ukubhubha kukaTsvangirai kutshiye inengi ebelibeke ithemba kubandla lakhe leMDC-T lizibuza ukuthi kambe ibandla leli lingenelisa ukuqhubekela phambili lingasela mkhokheli walo wakuqala.

Sokulempi kubangwa isikhundla sozakuba ngumongameli phakathi kuka Mnu. Nelson Chamisa, uNkosikazi Thokozane Khuphe kanye loMnu. Elias Mudzuri.

Oyisiphepheli eDukwi Refugee Camp, uMnu. Wasu Chibi, uthi abasakwazi njengeziphepheli ezisekela ibandla leMDC T ukuthi ikusasa injani, ikakhulu kulengxabagxoza kubandla leli kulwelwa isikhundla sikamongameli.

“Asazi ukuthi sizabangabakabani njengoba sekulengxabanxoza. Sesibona iMDC yethu seyaphela, kuhambe leTsvangirai. Kodwa silethemba lokuthi kuzavuka omunye ozanyathela njengoTsvangirai.”

Dukwi refugee camp
Dukwi refugee camp

Kusenjalo, uhulumende kaMongameli Emmerson Mnangagwa uthi kade engakwazi ukuthi kuleziphepheli zeZimbabwe ezedlula amakhulu ayisikhombisa kwele Botswana.

Umphathintambo obona ngendaba ezenzakala phakathi kwelizwe, uMnu. Obert Mpofu, yena okade ephelekezele uMnangagwa eBotswana ngeviki edluleyo, uthi iziphepheli zonke aziphenduke eZimbabwe.

Kodwa iziphepheli zithi azithembi uhulumende kaMnangagwa ngesikhathi iZimbabwe ibhekane lolunye ukhetho.

Omunye weziphepheli lezi uthe, “Okwamanje sesiphakathi kwempondo zenyathi, nampo bathi sibuyele ekhaya ngoba imizi seyadilika, sifuna ukuthi uhulumende asichasisele kuhle.”

Esinye njalo isiphepheli kwele Botswana sithi lokhe belovalo ngokubuyela ekhaya.

“Siyezwa kuthiwa sibuye ekhaya, ngesikhathi silahlekelwe ngumkhokheli wethu. Sasuka sibaleka eZimbabwe ngenxa yodlakela ngo2008. Khathesi sesikhangelane lolunye ukhetho, abantu ababesihlupha lokhe bekhona ezikhundleni.”

Inyathelo lokuthi iziphepheli zibuyele ekhaya liza ngemva kokuhlangana phakathi kukaMongameli Ian Khama loMnangangwa ngeviki ephelileyo.

Ilziwe leBotswana lithi kalisiboni isizatho sokugcina iziphepheli zeZimbabwe ngenxa yendleko kusikhwama sikahulumende njalo umumo ekhaya usuzinzile kungasela dlakela.

Abantu beZimbabwe Abayiziphepheli Kwele Botswana Bathi Kabakacabangi Ngokuya Ekhaya
please wait

No media source currently available

0:00 0:02:54 0:00

Facebook Forum

XS
SM
MD
LG