Kubotshwe Umeli weHarare West Edale Lephalamende uNkosazana Mamombe Lamanye Amalunga eMDC Alliance

Amapholisa ngoLwesithathu abophe umeli weHarare West edale lephalamende, olilunga leMDC Alliance, uNkosazana Joana Mamombe labanye abakhokheli bogatsha lwabasakhulayo kuleli bandla ababili.

UMamombe ubotshwe ndawonye loCecilia Chimbiri loNetsai Marova ngemva kokutshengisela besola uhulumende besithi uyehluleka ukunakekela abaswelayo ngesikhathi lesi ilizwe livaliwe ngenxa yegciwane leCoronavirus.

Abathathu laba batshengisele bebambene labanye abasakhulayo beMDC Alliance.

Ukubotshwa kwabo kuza ngesikhathi amapholisa esithi asebophe abantu abazinkulungwane phose ezingamatshumi amathathu, 26,398, phezu kokwephula umthetho wokuhlala ngekhaya emizameni yokwenqabela ukumemetheka kweCoronavirus.

Idolobho lakoBulawayo yilo elihamba phambili ngenani labantu asebebotshiwe.

Kodwa le yinto esolwa ngezinye inhlanganiso ezithi amapholisa akulelidolobho alobandlululo kanti njalo abopha abantu lalapho okungafanelanga khona.

Isiphathamandla senhlanganiso elwela amalungelo abesifazana eyeWoza, uNkosazana Magodonga Mahlangu utshele iStudio 7 ukuthi balokudana okukhulu ngaloludaba.

Embed share

Ingxoxo loNkosazana Magodonga Mahlangu

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:47 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Isikhulumeli samapholisa uMnu Paul Nyathi yena uthe ubesemhlanganweni, ngakho ubengenelisi ukukhuluma ngaloludaba.