amalinks wokungena

Amagqwetha Afuna Kuhlonitshwe Ilungelo Likazulu

  • Martin Ngwenya

UMnu. Misheck Hogwe.

Inhlanganiso yamagqwetha eyeLaw Society of Zimbabwe ithi izaqhubeka ikhulumisana lohulumende kanye lozulu ukuze kube lokhetho olukhululukileyo njalo lulokuthula ngomnyaka ozayo.

Umphathintambo wenhlanganiso yamagqwetha eZimbabwe, uMnu. Misheck Hogwe, utshele iStudio 7 eGaborone emhlanganweni wamagqwetha, aphuma kumazwe angaphansi kwenhlanganiso yeSouthern African Development Community, ukuthi amagqwetha akhulumisane kakhulu ngokulwela ukuhlonitshwa komthetho.

UHogwe uthi ngenxa yodlakela oluyande ukubakhon ngesikhathi sokhetho, bazaqhubeka bekhulumisana lohumende kanye lezinye inhlanganiso bekhuthaza ukuthi kungabi lodlakela. “Sesikesabona ukuthi kulendaba ezitshiyeneyo ezenzakele emhlubulweni wethu, okufana lokuvota okwenzakale edale lephalamende yeZimbabwe kanye leSouth Africa phezu kokusebenzisa izandla kumbe ukuvota nsitha. Njengamagqwetha, simela umthetho ukuthi ohulumende bawuhloniphe.”

Amagqwetha enza umhlangano kwele Botswana.
Amagqwetha enza umhlangano kwele Botswana.

UHogwe uthi ngenxa yokuthi bakhangelele ukhetho olungaba lodlakela eZimbabwe, sebeqale ukukhuthaza inhlanganiso kumbe amabandla azaphatheka kulolu khetho ukuthi kungabi lobudlwangudlwangu.

“Singabantu banye akulasizatho ukuthi kuliwe. Thina njengenhlanganiso yamagqwetha sikholwa ukulandela umthetho, ngakho sesikhulumisana lohulumende kanye lozulu ukuthi singabantu banye. Abantu kumele benelise ukukhetha inkokheli abayifunayo kungelakwethusela.”

UHogwe uthi bazaqhubeka bemela labo abangazithola behlukunyezwa kumber bengaphathekanga kuhle ngesikhathi kulanda ukhetho kodwa bengelamali yoku dinga ukumelwa ligqwetha.

Umhlangano wamagqwetha eSADC obe useGaborone ubanjwe ngaphansi kwesihloko esithi “Umsebenzi wamagqwetha uqhakathekile ekuthuthukiseni inhlanganiso yeSADC.”

Facebook Forum

XS
SM
MD
LG