amalinks wokungena

Breaking News

Kwelatshwa Abantwana Abalendebe Ezidabukileyo


Abanye abazedinga uncedo kunhlanganiso yeLove Without Reason esibhedlela seParirenyatwa.
Abanye abazedinga uncedo kunhlanganiso yeLove Without Reason esibhedlela seParirenyatwa.

Abenhlanganiso yabelaphi bakwele Melika eye “Love Without Reason”, bethekelela eZimbabwe okwamanje lapho abaqhuba khona uhlelo lokuhlinza abalodubo lokudabuka indebe oluzaqhutshwa okwensuku eziyisithupha esibhedlela se Parirenyatwa, eHarare.

Banxuswe ngabebandla lokholo lwesiKhristu ele Revival Ministries International.

Amakhulu abantu, inengi labo kungabantwana, baze ukuzohlolwa ngeSonto.

Umfundisi Khulumani Mangena, omunye wabafundisi bebandla le Revival Ministries International elinxuse abelaphi “Love Without Reason”, uthe le ngenye yemisebenzi okumele yenziwe ngabamabandla ezokholo lwesiKhristu njengalokho okutshiwo ngum’bhalo okokutholisa uzulu usizo ngendlela ezehlukeneyo.

Omunye wabantwana abalendebe ezidabukayo.
Omunye wabantwana abalendebe ezidabukayo.

UMnu. Taonei Takaruza, umbalisi esikolo se Kutama College koZvimba ongomunye wabazali abaphelekezele ingane ukuzedinga usizo phansi kwaloluhlelo, uthe indodakazi yakhe, uAmanada Takaruza, oleminyaka elitshumi lasikhombisa, wazalwa edabuke indebe yaphezulu.

Umkhokheli enhlanganisweni ye ‘Love Without Reason’, uMnu. Santhosh Mathews, uthe wakubona kufanele aphatheke kunhlelo zaloluhlobo ngemva kokuba ehlangane lodubo lwezempilakahle emulini yakhe.

Indondana yakhe, uPhillip, wazalwa elendubo ezimbalwa ezigoqela ukudabuka indebe.

UMnu. Santhosh Mathews wenhlanganiso ye Love Without Reason lomntanakhe, uPhillip, owazalwa elodubo olumangalisayo emzimbeni.
UMnu. Santhosh Mathews wenhlanganiso ye Love Without Reason lomntanakhe, uPhillip, owazalwa elodubo olumangalisayo emzimbeni.

Ingcwethi kwezempilakahle zithi umsebenzi wokuhlinza lokulungisisa indebe edabukileyo eZimbabwe kulendleko yamadola asukela kunkulungwane ezintathu - $3,000.

Babikwa bebanengi abalokhe belindele ukuhlinzwa esibhedlela se Parirenyatwa, ukwenzela ukuthi balungiswe indabe ezidabukileyo.

Abanye sebeleminyaka emihlanu lokhe besemzileni wokuba batholiswe lolu sizo eParirenyatwa.

Ingcwethi kwezempilakahle zibika ukuba umntwana oyedwa phakathi kwabangamakhulu ayisitshiyagalombili uzalwa edabuke indebe.

Abenhlanganiso ye Love Without Reason bathi lokhu ngokwakuqala ukuza kuzwekazi leAfrica, ukuzatholisa usizo lwaloluhlobo.

Abazedinga lolusizo beluthola kungela mbadalo, bebesabelwa njalo usizo lokudla, luvela kwabebandla le Faith Ministries, elikhokhelwa nguDr. Shingi Munyeza.

Udaba Esilethulwe NguMavis Gama
please wait

No media source currently available

0:00 0:04:34 0:00

XS
SM
MD
LG