amalinks wokungena

Breaking News

EU: Ukhetho eZimbabwe Lwaphambaniswa Yikudutshulwa Kwabantu eHarare Lokunye Okungenziwanga Kahle


Iqula lenhlanganiso yeEuropean Union lethula impumelo yokuhlolisisa ukhetho olwenziwa eZimbabwe ngoNtulikazi.

Iqula leEuropean Union (EU) Observer Mission elalihlolisisa ukuqhutshwa kokhetho ngoNtulikazi lithi kunengi okumele kwenziwe eZimbabwe ukwenzela ukuthi kube lokhetho olubalulekileyo.

Amalunga awenhlanganiso yeEuropean Observer Mission ...
Amalunga awenhlanganiso yeEuropean Observer Mission ...

Iqula leli lethule impumela yenhlolisiso yalo ejulileyo ngoLwesithathu eharare.

Lithi kulokunye okwenziwa kahle ngesikhathi sokhetho lobanje kusakude phambili ukuthi kuqhutshwe ukhetho olukhululekileyo.

Owethule umbiko wenhlanganiso le, uMnu. Mark Stevens, uthe ulethemba lokuba okumunyethwe kugwalo olujulileyo lweEU kuzosiza ekuthuthukiseni indlela ukhetho oluzoqhutshwa ngayo kwelakusasa elizweni.

Unobhala jikelele wenhlanganiso yamabandla ezokholo lwesiKristu eye Zimbabwe Council of Churches, uReverend Dr. Kenneth Mtata, obekhona ngesikhathi lumbiko weEU usethulwa, uvumelane lokwethulwe nguMnu. Stevens labanye bakhe.

Uthe sokumele kuvezwe ukuthi kwenzakalani kuze kubulawe abantu abayisithupha libutho ngoNcwabakazi abafa bengelacala.

Abantu laba badutshulwa kulabanye ababetshengisela eHarare besola ukuphuza kokwethulwa kwempumela yokhetho lukamongameli.

Udaba Esilethulelwe NguMavis Gama
please wait

No media source currently available

0:00 0:03:47 0:00

Facebook Forum

XS
SM
MD
LG