amalinks wokungena

Breaking News

Thokozani Khupe: UNelson Chamisa Labanye Bakhe Yibo Abaxotshwa kuMDC-T Hatshi Thina


UNkosazana Thokozani Khupe.

Annastacia Ndlovu

Amalunga ebandla leMDC-T, agoqela uNkosazana Thokozani Khupe axotshwa ngeviki eliphelileyo licele lebandla leli elikhokhelwa nguMnu. Nelson Chamisa, athi amangaliswa yimibiko ethi sebaxotshwa kuMDC-T.

Amalunga la athi owaxotshwa kubandla leli nguChamisa labanye bakhe abangalandelanga isisekelo sebandla leli kukhethwa ongathatha isikhundla sikamuyi uMorgan Tsvangirai owabulawa yisifo semvukuzane.

UMaKhuphe utshele umsakazo weVOA Studio 7 ukuthi bakubeka sobala emhlanganweni abawenzele koBulawyo endaweni yokulingisa eyeAmphithertre ukuba abalabudlelwano labantu abalobudlwangudlwangu njalo abangalandeli isisekelo sombuso sebandla leMDC-T.

Uthe uChamisa nguye owazixotsha kubandla leli labanye bakhe abephula isisekelo sebandla uChamisa engena esikhundleni sikamongameli.

UMnu. Abednico Bhebhe, omunye wabaxotshwe licele lebandla leli elikhokhelwa nguChamisa, uthe katholanga inwcadi evela ebandleni lakhe imazisa ukuba usexotshiwe.

Lokhu kusekelwe nguMnu. Obert Gutu, owayeyisikhulumeli sebandla leli engakaxotshwa licele leMDC elika Chamisa.

UMaKhupe, uChamisa loMnu. Elias Mudzuri baxabene bebanga isikhundla esatshiywa nguTsvangirai obhubhe ngenyanga ephelileyo.

UChamisa ukhethwe lidale leNational Council lele Standing Committee ukuthi abengumongameli webandla leli. Kodwa-ke uMaKhupe uyakuphikisa lokhu esithi nguye okwakulele angene esikhundleni sikaTsvangirai.

Facebook Forum

XS
SM
MD
LG