amalinks wokungena

Breaking News

ZRP: Abantu Bokuza Abasekela iMDC Batshotshozela Udlakela eZimbabwe


Abalandeli bebandla leMDC elikhokhelwa nguMnu. Nelson Chamisa

Uhulumende uthi kulabanye abantu asebeqhatshwe libandla leMovement for Democratic Change elikhokhelwa nguMnu. Nelson Chamisa ukuthi bazetshotshozela abafuna ukutshengisela ngoLwesihlanu.

Amapholisa akwethule lokhu ebulenjini bokuxhumana obeTwitter enkundleni yeZimbabwe Republic Police.

Athi abanye abaqhatshwe libandla leli ngabatshotshozela ukutshengisela kwele Sudan lapho okusanda kususwa esikhundleni owayengumongameli uMnu. Omar al-Bashir.

“Siyakwazi ukuthi kulabantu abavela kwamanye amazwe abazenza abethekelela eleZimbabwe bezobuka ezemvelo bona kungabantu abazetshotshozela abaphikisayo ukuthi batshengisele emigwaqweni. Omunye wabo siyakwazi ukuthi wayekulokhu okwaziwa ngokuthi yiArab Spring njalo lokwenzakala eSudan.

“Sifuna ukulazisa ukuthi asivumeli abantu bokuza ukuthi bangene kwezombusazwe benzenza abethekelela elizweni bona bezokona. Sizabejezisa bangakwenza lokhu.”

Amapholisa aphinde athi kuzwakala ukuthi ibandla leMDC lisebenzisa abantwana abangelandawo yokuhlala eHarare ukuthi bangene emigwaqweni batshengisele lalabo abaqoqe lokhu.

Kodwa-ke ibandla leMDC lithi kungamanga aluhlaza tshoko konke lokhu okukhulunywa ngamapholisa logatsha lwendaba zekhaya olukhokhelwa nguMnu. Cain Matema.

UMnu. Daniel Molokele, isikhulumeli sebandla leMDC, uthi akwenzakali ukuthi bangadinga abantu bokuza ukuba bazencedisa ukuthi batshengisele emigwaqweni.

Facebook Forum

XS
SM
MD
LG