amalinks wokungena

Breaking News

'Ubudlwangudlwangu Kubandla leMDC-T Bungaphela Bengalandela Okwakusenziwa nguJoshua Nkomo'


UNkosazana Thokozani Khupe

Ubudlwangudlwangu obusebandleni le MDC-T khathesi bulakho ukuphela nxa iziphathamandla zaleli bandla zingafunda indlela umuyi uJoshua Nkomo akhokhela ngayo engabandlululi muntu ngomhlobo kumbe ngombala waze wabizwa ngokuthi ngubaba wesizwe.

Lo ngumbono owethulwa ngabatshiyeneyo kuhlandla lethu langoLwesithathu lokubheka ukulwisana okukhona ebandleni le MDC-T.

Inengi labakhulume leStudio 7 ngokulwisana okukhona ebandleni leMDC bathi isifo esikhulu esesihlasele leli bandla yikucwasana ngemihlobo ledlabuzane lokufuna ukuthatha intambo zombuso ngodlakela.

Bathi sekuyisikhathi sokuthi inkokheli zebandla leMDC-T, zifunde ubukhokheli obuqotho kumuyi okaNyongolo, uJoshua Mqabuko Nkomo ukuze zikhiphe leli bandla kungxabangxoza ebhekane lalo.

UNkosazana Thokozani Khupe
UNkosazana Thokozani Khupe

Ngesikhathi iZimbabwe ilwela uzibuse, okaNyongola wayeyintandokazi elizweni lonke ebizwa ngabemihlobo yonke ngokuthi ngubaba wesizwe ngenxa yokuthanda lokuhlonipha imihlobo yonke ngokufananayo. Esebona ukuthi abantu bayaphela ngesikhathi seGukurahundi, wazehlisa, wakhetha ukuzicindezela yena, wadedela umbuso kamnumnzana Robert Mugabe.

Kuthe loba esefile uMugabe wamveza ngokuthi, “The Giant has fallen,” kusitsho indoda ephakemeyo, elamandla kanti engeke iqathaniswe lamanye amadoda.

Ilunga lentsha yebandla leZAPU kweleSouth Africa, uMnu. Carnicious Nkala, uthi kulihlazo ukubona ibandla elilwe kanzima ukuqeda ubudlwangudlwangu bebandla leZANU PF sekuyilo eseliphila ngodlakela olwesabekayo.

UNkala uthi ngalesi sikhathi sobunzima ebandleni leMDC-T ukufunda kabanzi ngobukhokheli bukaMqabuko kungalisiza ibandla leMDC-T.

Abalandeli bebandla leMDC-T.
Abalandeli bebandla leMDC-T.

“UNkomo wayemele okuthiwa yi-nationalism, of which kunationalism akula tribalism, akula muntu obizwa ngomhlobo. Umuntu ubizwa ngo mntwanenhlabathi. And okwamanje esesikubona ukuthi umuntu kuthiwa uyatshaywa ngenxa yokuthi uliNdebele kumbeni uyatshaywa abizwe kuthiwa li dissident buyela kini, exotshwa eMutare elizweni laseZimbabwe kuthiwe kabuyele kibo! I Kibo sekukuphi?”

Umgcinisihlalo webandla leZAPU kwele South Africa, uMnu. Bongani Halimana Ndlovu, uthi okubakhathazayo yikuthi umbango wezikhundla ebandleni leMDCT usuphenduke waba yimpi yokucwasana ngemihlobo.

Uthi njengoba ibandla leMDC like ladlelana kakhulu leMelika, ayifundanga na indlela uMnu. Barack Obama emukeleka ngayo njengomongameli kweleMelika kungakhathalekile ukuthi wayengumuntu wokuza, onsundu njalo ovela emulini engalambali eqakathekiswayo kweleMelika.

“Kwlele Melika sibona abantu besebenza ndawonye baze baye ekhethweni, bephikisane abaphikisana khona kungabi khona udlame. Lokhuya sikubiza ngokuthi yikukhula kwezombangazwe. Asikuboni eZimbabwe. Njenge ZAPU sibona kuyibuntwana especially laba aba busy kulezi insuku betshayana bodwa, bebizana ngemihlobo, bebizana ngama dissident. Amagama anjalo kithi awatholakali.”

Khuphe Tsvangirai Chamisa
Khuphe Tsvangirai Chamisa

Abanyeke bathi kuyethusa ukuthi ibandla elaphose lakhokhela uhulumende ngemva kokunqoba ekhethweni luka 2008, litshengise udlakela olukhulu kangaka.

Unobhala jikelele webandla le United Democrats Movement, uMnu. Andrew Nyathi, uthi inkokheli eziqotho kufanele zenze njengo Nkomo owathi ebona ukuthi abantu bayaphela wazehlisa, wakhetha inkulumo zoxolo lokuthula.

“Thina njengepolitical party asikuzwisisi ukuthi kungani amanye amapolitical parties ebona angazathi udlame, ucuku, ubukliwi, kumele busetshenziswe ukuthi umuntu athole isikhundla.”

Isizalwane seZimbabwe, uMnu. Michael Dumani, uthi nxa ibandla leMDC-T lifuna ukuthula kalifunde hatshi ngoNkomo kuphela kodwa ngembali yonke yeZAPU kusukela ekusungulweni.

“Udlame lolu esilubonayo, abantwana isifundo esasifunda kubaba wethu uNkomo wathi sibambane njengenkuni. Uma nxa kulezinto ezinje ukubambana kuyinkalakatha abantu bonke ababuye back ku original party, ku ZAPU okungelamsindo khona.”

UMnu Elias Mudzuri ngomunye owayengumsekeli kamuyi uMorgan Tsvangirai.
UMnu Elias Mudzuri ngomunye owayengumsekeli kamuyi uMorgan Tsvangirai.

OkaNyathi yena uthi kusemandleni enkokheli zaleli bandla ukuthi zehlise umoya zikhulumisane kumbe ziqhubeke zihlakaza leli bandla lize liphele.

“Buyelani ebantwini lilungise into yenu ngentando yabantu. Yikho ukwenza idemocracy. Kanti alila laConstitution na? Ukuthi ma kuxakile kumele kwenziwe njani? Ensontweni kulapho umuntu ongaphikiswa khona kodwa epartyini abantu bayakuphikisa.”

Abanyeke bathi umkhuba wabanye eZimbabwe wokucabanga ukuthi abantu beSiNdebeleni kabalalungelo lokukhokhela kufanele kodwa kufanele bahlale bengabasekeli kufanele uphele nya ngoba besithi yiwo isisusa sengxabangxoza esebandleni leMDCT. Abanye bathi lokhu kungaba yikho okwenza owayengumkhokheli waleli bandla uMnu. Morgan Tsvangirai wakhetha abanye abasekeli ngoba ebona kusegcekeni ukuthi nxa engasekho unkosazana Thokozani Khuphe nguye ozakhokhela.

Abanyeke bathi kudingeka abayeyiswayo laba babonise ubukhokheli obulamandla, ukubambana, lobuthakazelelwa ngabengi kuloba yikuphi abakhona ukuze babonise ukuthi labo bangalikhokhela ilizwe loba inhlanganiso ezinkulu.

Udaba Esilethulelwe NguBenedict Nhlapho
please wait

No media source currently available

0:00 0:05:24 0:00

Facebook Forum

XS
SM
MD
LG