amalinks wokungena

Breaking News

UChamisa Unika Abasekeli Bakhe Imisebenzi Etshiyeneyo


UMnu. Nelson Chamisa, uMnu. Tendai Biti loMnu. Welshman Ncube.

Ibandla eliphikisayo ele Movement for Democratic Change (MDC) elikhokhelwa nguMnu. Nelson Chamisa, ebeselisetheswa umlandu wokungazilungiseleli phambilini kokhetho, selinikeze abasekeli bakamongameli imisebenzi etshiyeneyo yokuthuthukisa ibandla njalo losungula uhlangothi oluzimeleyo oluzavikela inkohlakalo kumakhansili emadolobheni lapho elibusa khona.

UMnu. Nkululeko Sibanda, isikhulumeli sikaChamisa, utshele intathelizindaba esigodlweni salelibandla eseMorgen Tvsangirai House eHarare ngoLwesithathu ukuthi uChamisa unikeze abasekeli bakhe abathi uNkosikazi Lynette Karenyi-Kore, uMnu. Tendai Biti loMnu. Welshman Ncube imisebenzi etshiyeneyo ejonge ukuthuthukisa lelibandla phambilini kokhetho lomnyaka ka 2023.

UKarenyi-Kore uzaqhuba umsebenzi wedale lephalamende kanye lokwakha ibandla kuthi uBiti uzabhekana lokulondoloza injongo yebandla (ideology) besekusithi uNcube uzabe ekhangelane lokukhulumisana kwamabandla lobudlelwano lamanye amazwe lenhlelo zebandla.

Ibandla leMDC likhokhela amakhansili phose wonke asemadolobheni lapho osokubelenkulumo ebanzi phezulu kwenkohlakalo ebikwa isivamile ekuthengiseni izitanda zokwakha kunye lobunye ubungilimbane emadolobheni afana le Harare le Bulawayo kanye lokusebenzisa izimali zezakhamizi ngendlela engaqondanga osokwenze amakhansili amanengi ehluleke ukugcwalisisa izifiso zezakhamizi.

Amakhansili amanengi asemadolobheni aseyehlulekile ukunikeza izakhamizi amanzi ahlanzekileyo, ukubutha ingcekeza emadolobheni kanye lokulungisa imigwaqo esikusimo esibi.

Kodwa uSibandla uthi ibandla lakhe selisungule ihlangothi oluzimeleyo oluzahlolisisa indlela amakhansila ebandla leli aqhuba ngayo umsebenzi.

Uhlangothi lolu luzakuba lulamalunga amahlanu njalo luzakhokhelwa ligwetha elilodumo, uMnu. Thabani Mpofu.

USibanda uthe leyi yindlela ibandla leMDC eselizimisele ukulwisana lenkohlakalo.

Ingcwethi kwezombusazwe uMnu. Charles Nyoni uthi ibandla leMDC lilethuba lokutshengisa uzulu weZimbabwe ukuthi lingaqeda na inkohlakalo elizweni nxa lingangena embusweni ngokuthatha lelinyathelo.

Lokhu kugcizelelwe yisakhamuzi seHarare, uMnu. Kholwani Bhebhe, othe uzulu akathabanga ngendlela ikhansili yedolobho le Harare eyehluleka ngayo ukusebenzela uzulu ngoba imali enengi eqondane lengqubelaphambili icina intshontshwa.

“Iservice delivery lapha eHarare iyasidanisa thina njengezakhamizi lapha esihlala khona ngoba sibona ukuthi incekeza igcwela yonke indawo , amanzi akhona akatholakali,ababuthi izibi ngesikhathi esifaneleyo. So ngibona kungani uhlelo lolu oluthethwe yiMDC olokuthi bahlolisise indlela amakhansila asebenza njani inganceda ekuthuthukiseni umsebenzi wekhansili wokusebenzela uzulu.”

Lokhu akusikho kwakuqala ukuthi ibandla le MDC liphatheke ekulwisaneni inkohlakalo kumakhansili ngemva kokuba ngomnyaka ka2010 owayengumkhokheli walelo bandla uMnu. Morgan Tsvangirai waxotsha umsebenzi amakhansila angamatshumi amabili lane (24) edolobheni leChitungwiza ngemva kokuba becatshangelwe ukuthi baziphatha ngendlela engaqondanga.

Udaba Esilethulelwe NguGibson Bhebhe
please wait

No media source currently available

0:00 0:04:21 0:00


Facebook Forum

XS
SM
MD
LG