amalinks wokungena

Breaking News

Abesifazana Bakhala Ngokuthathelwa Imigodi Ngabesilisa eZimbabwe


Abasembukisweni weMine Entra 2017.

Umbukiso wezokwemba ezabomanjinela lezokuthwalwa kwabantu owe Mine Entra, uqalile koBulawayo ngoLwesithathu.

Lumbukiso oqoqwe ngabe Zimbabwe International Trade Fair ukhangelelwe ukuphela NgoLwesihlanu.

Abesifazana abaphatheka kubhizimusi lokwemba bekhala ngokuthi bayahlukuluzwa ngabesilisa.

Mine Entra 2017
Mine Entra 2017

Umbukiso walonyaka wezokwemba uqhutshwa phansi kwesihloko esithi, “Exploring Linkages in the Mining Value Chain” njalo ukhangele ukuba lemihlangano emithathu ebalisa owe Women in Mining Breakfast Meeting oqhutshwe ngoLwesithathu, owe Mine Conference, lowenhlanganiso ezibona ngokwemba iZimbabwe Mining Federation Small-Scale Miners’ Conference ubusuqgitshwa ngomdlalo weGolf eBulawayo Golf Club.

Manengi amakampani akumbukiso weMine Entra.
Manengi amakampani akumbukiso weMine Entra.

NgoLwesithathu abesifazana abakubhizimusi lokwemba abazange benikeze umsekeli kaMphathintambo obona ngezokwemba, uMnunzana Freddy Moyo, ithuba lamazwi okumbambatha bethi bakhathele ngabesilisa abakuhulumende labazimelyo.

Bathe kabatshiyane lomkhuba wokuhlukuluza abesifazana ababathathela imigodi yokwemba ngemva kokuba sebetshale imali.

Omunye wabesifazana owemba igolide eseKezi, uNkosikazi Siphiwe Dube, oseleminyaka elitshumi lanhlanu esemba owathatha isicoco ngo2014 lango 2016 esokuthengisa igolide elinengi kuhulumende ukwedlula abanye, uthe evela thatha isicoco sakhe eHarare wathola imigodi yakhe isivaliwe.

Wayithathelwa nguMnu. Thomas Gono owambophisayo. Udabalwakhe lusedale leHigh Court.

Kuyatshiyana okubukiswa eMine Entra 2017
Kuyatshiyana okubukiswa eMine Entra 2017

Abesifazana abanengi abagoqela uNkosikazi Sheila Sidame bathe okwenzakalayo kubhahile izwe lonke jikelele njalo kuyinto embi.

UViolet Nyoni laye uthe leNkabazwe kuyafana ngoba abesifazana abakwezokwemba bayathathelwa ngabesilisa imigodi yabo ngendlela ezidanisa kakhulu.

UNkosikazi Marble Ndlovu ugcizelele esithi balomgodi eHope Fountain lapho abahlukumezwa khona njengoba amaphepha abo okwemba anamalala.

Ezokwemba eZimbabwe yizo eziletha imali enengi elizweni.

Umbukiso lo wenza ukuthi abantu basebenze ndawonye kwezokwenjiwa kumbe bathengiselane okutshiyeneyo.
Umbukiso lo wenza ukuthi abantu basebenze ndawonye kwezokwenjiwa kumbe bathengiselane okutshiyeneyo.

Lisiyatshona ilanga ngoLwesithathu amankampani afika ikhulu lamatshumi amabili 120 ayenelise ukubukisa kuthi amabili asuka eSouthAfrica leChina.

Phakathi kwabukisayo, angamatshumi ayisithupha lambili ekhulwini 62 % asuka eHarare, kuthi angamatshumi amathathu ekhulwini 30 % asuka koBulawayo. Amanye asuka endaweni ezehlukeneyo zelizwe.

Umbukiso walonyaka ogcwele imitshina emikhulu yezokwemba, ukhangelelwe ukuvulwa okusemthethweni NgoLwesine ngumphathintambo obona ngezokwenjiwayo uMnu. Walter Chidakwa.

Facebook Forum

XS
SM
MD
LG