amalinks wokungena

Breaking News

Intathelizindaba Zikhala Ngokuhlukunyezwa eZimbabwe


Information Minister Monica Mutsvangwa

Inkokheli zenhlanganiso ezisebenzisana lentathelizindaba ezingena umhlangano owenziwa minyaka yonke oweAnnual Media Stakeholders’ Conference iveze ukukhathazeka ngokuqonga kwenani lentathelizindaba ezihlukunyezwe lonyaka nxa kuqathaniswa leminye iminyaka.

Linkokheli ikhuthaza uhulumende ukuba aphange akulungise lokho.

Lokhu kwenziwa ngaphambilini kokunanzwa kosuku lokuqakathekiswa kwamalungelo entathelizindaba emhlabeni jikelele olwe United Nations International Day to End Impunity for Crimes Against Journalists mhlaka 2 Lwezi.

Umqondisi weMedia Institute of Southern Africa (MISA Zimbabwe), uMnu. Thabani Moyo, uveze ukukhathazeka ngesimo sokuqansa kwenani lentathelizindaba ezihlukunyezwe ngamapholisa lonyaka.

Obengumhonitshwa kulomkhosi umphathintambo obona ngezokwethulwa kwemibiko, uNkosikazi Monica Mutsvangwa, uthembise ukusebenza nzima ukukuqeda lokho.

Kodwa intathelizindaba elodumo ebisemhlanganweni lo, uMnu. Lennox Mhlanga, uthe lanxa besamukela izithembiso zikahulumende bazoyicela isivuthiwe.

Kusenjalo, uhulumende uthembise abakumsebenzi wokwethulwa kwemibiko ukuba inkampani yomsakazo oweZimbabwe Broadcasting Coorporation ayisoze yaqhubeka iyiyo yodwa esakaza kumabonakude ngoba sokuzanikwa amanye amankampani amalayisensi.

Kubikwa kuzosungulwa njalo imisakazo kazulu ezabelweni ezitshiyeneyo kunsukwana ezizayo lanxa uNkosikazi Mutsvangwa engasacacanga ukuba kuzokwenzakala nini lokho.

Kodwa umqondisi wenhlanganiso ekhankasela ukusungulwa kwemisakazo yezabelo eye Zimbabwe Association of Community Radio Stations, uNkosazana Vivienne Marara, uthe balindele ukubona okuzakwenziwa nguhulumende.

Udaba Esilethulelwe NguMavis Gama
please wait

No media source currently available

0:00 0:03:40 0:00

Facebook Forum

XS
SM
MD
LG