amalinks wokungena

Breaking News

MDC-T: Iyasithokozisa Indlela Okwenziwe Ngayo Ukhetho Lwama Primaries


UMnu. Morgen Komichi lamanye amalunga ebandla leMDC-T ekhokhelwa nguMnu. Nelson Chamisa.

Icele leMDC-T, elikhokhelwa nguMnu. Nelson Chamisa, lithi liyajabula ngendlela okuqhutshwe ngayo ukhetho lwama primaries lokudinga abazamela ibandla leli kukhetho lokudinga amalunga edale lephalamende, amakhansila kanye lama senators.

Lokhu kwethulwe ngumgcinisihlalo webandla leli, uMnu. Morgan Komichi, eHarare ngoLwesibili, othe basalungisa lapho okunakale khona kukhetho lwame primaries.

UKomichi uthe, “Bonke ababekhonona babhala incwadi sahlola lokhu ababekutsho njenge committee yalokhu. Sesiqede ukhetho lwethu endaweni ezidlula 80%. Ukhetho lwethu lwalusenziwa ngabantu abangalani lebandla leMDC ukuthi kungabi lokuqilana. Indlela ehanjiswe ngayo ukhetho lolu iyasithokozisa njengoba intando kazulu ikhanya ilandelwa. Sizaphinda sihlale phansi sikhangelisise udaba lokuqilana olulethwe ngabanye.”

Isakhamuzi seHarare, uMnu. Pabalelo Ndlovu, uthi ukhetho lwama primaries olweMDC-T luhamba kuhle lalobanje kuke kwaba lodlakela kwezinye indawo.

“Ukhetho lolu lwaqhutshwa kuhle uma sikhangela okwenziwa yiZANU PF. Nxa sikhangela udlakela lwabalulutshwane njalo abantu benelisa ukuvota bengela kufuqwa njalo bazivotela ngentando yabo. Uma sikhangela njalo sisizwa ukuthi kulabanye abakhononayo, njengo khetho lonke ngeke wenelisa ukusuthisa umuntu wonke kodwa ibandla leMDC lazama ukwenza okwakufunwa nguzulu.”

Unobhala jikelele waleli bandla, uMnu. Douglas Mwonzora uthi osekubahlukumeza yikuthi abekhomishini ebona ngezokhetho eyeZimbabwe Electoral Commission (ZEC) iyala logwalo loluhlu lwamagama asebabhalisela ukuthola ilungelo lokuvota olwe voters’ roll yona abathi bafuna ukuyihlola bodwa.

“Ibandla leMDC-T labhalela iZEC incwadi sicela ivoters’ roll kodwa iZEC iyala. Ithi omunye lomunye kayezibonela ibizo lakho. Kusemthethweni ukuthi siphiwe ivoters’ roll le. Bengabelokhu beyala sizahamba edale njengoba besephula umthetho.”

Laloba lelibandla lisithi ukhetho lwamaprimaries luhamba kuhle abanye bayasola ukungakhethwa kwamanye amalunga aveze ukusebenza labantu kuhle ngesikhathi besedale lephalamende abanjengo Mnu. James Maridadi omela iMabvuku-Tafara lo Gift Chimanikire owe Southerton.

Bangabanye bamalunga edale lephalamende abalahlwe phansi kukhetho lolu lwamaprimaries.

Umsekeli womkhokheli weMDC-T uMnu. Elias Mudzuri, wayala ukuthi ukhetho luqhubekele phambili kodwa uKomichi nguye obikwa esevume ukungancintisi kukhetho olubuya.

Kubikwa ukuthi uzangena kukhetho lokudinga amalunga edale leSenate.

Udaba Esilethulelwe NguGibson Bhebhe
please wait

No media source currently available

0:00 0:03:06 0:00

Facebook Forum

XS
SM
MD
LG