amalinks wokungena

Breaking News

Bamiswa Emthethwandaba Abadabuka Kwamanye Amazwe Ababotshwe eSouth Africa


Bazondile abadabuka kwele South Africa ngokubotshwa kwabantu bokuza kulelolizwe.

Amakhulu ezizalwane zakwamanye amazwe ezibotshwe ngeviki ephelileyo zisetheswa icala lokungena elizweni ngokungekho emthethweni zimiswe phambi komthethwandaba kaMantshi eJohannesburg ngoLwesibili.

Batshengisela phandle komthethwandaba kwele South Africa.
Batshengisela phandle komthethwandaba kwele South Africa.

Phakathi emthethwandaba abakwamanye amazwe laba inengi labo obekungabadabuka eZimbabwe leMozambique, bebebukeka beyethuke kakhulu njalo behlukumezekile.

Labo okutholakale ukuthi abalazo incwadi zokuba selizweni ngokusemthethweni bahle basiwa eLindela lapho abazasuka khona sebephindiselwa ekhaya.

Kodwake abebetshengisela phandle kwedale bebezonde beganunwabu. Lokhu kube ngemva kokuvuma kumamtshumtshisi ukuthi abanye bababotshiweyo bebelazo incwadi zokuba selizweni kodwa balokhu bevalelwe ngoba amapholisa abelokhu esazihlolisisa.

Bamiswa emthethwandaba abantu bokuza kwele South Africa
Bamiswa emthethwandaba abantu bokuza kwele South Africa

Bebetshaya phansi ngentonga besithi ukubotshwa kwabantu bokuza laba bekuyinzondonje etshengiswa nguhulumende.

UMnu. Tenage Kumbe, owebandla laseSouth Africa lezombusazwe elilwela abakwamanye amazwe ele African Civil Revolutionary Movement, uthi kuyayangisa ukuthi uhulumende usevala ukwehluleka kwakhe ngokubopha abakwamanye amazwe mahlayana.

“Thina singabantu bala eMzansi. Mina labantu bakithi asijabulanga ngalohlobo ugovernment, uhulumeni wa approcher this situation ngakhona. Igovernment igangile this time ayenzanga into eright kubantu bakithi. Thina silwa neAfrica simela iAfrica yonke.”

Bamiswa emthethwandaba abantu bokuza kwele South Africa.
Bamiswa emthethwandaba abantu bokuza kwele South Africa.

Isenzo zokubotshwa kwabamanye amazwe lesi kungathi sesihlobile ubudlelwano bezizalwane zakwele South Africa lezakwamanye amazwe. Inhlanganiso yezifundi eNigeria kubikwa isethusela ngokuthi izakwenza okufanayo kuzizalwane zakwele South Africa lamankampani azo aseNigeria.

Lokhu sekwenze umphathintambo obona ngobudlelwano beSouth Africa lamanye amazwe uNkosikazi Naledi Pando, aphawule esithi ngeke kuvunyelwe abakwamanye amazwe bezotshaya amapholisa eMzansi.

“Ngeke ukwenze lokho emapholiseni. Amapholisa alomlandu wokulondoloza umthetho. Le yinto okufanele ihlonitshwe yiloba ngubani okwele South Africa.”

Abasemazweni laba bathi bafuna ohulumende beAfrica bakhulumisane loMongameli Cyril Ramaphosa ngalolucuku olwenziwa kuzizalwane zakwamanye amazwe.

Udaba Esilethulelwe NguBenedict Nhlapho
please wait

No media source currently available

0:00 0:02:40 0:00

Facebook Forum

XS
SM
MD
LG