amalinks wokungena

Breaking News

Mqondisi Moyo: Kumele Sibuyele Ekhaya Siyelwela Umhlabathi Wabokhokho Bethu


UMnu. Mqondisi Moyo

Ibandla leMthwakazi Republic Party (MRP) likhuthaza abantu abadabuka eZimbabwe abahlala kwele South Africa ukuthi basukumele phezulu balungise ilizwe athi libhidlizwa nguhulumende kaMongameli Emmerson Mnangagwa.

Balalele okwethulwa nguMnu. Mqondisi Moyo, umkhokheli webandla leMthwakazi Republic Party, ekhuluma ngokumele bakwenze eZimbabwe.
Balalele okwethulwa nguMnu. Mqondisi Moyo, umkhokheli webandla leMthwakazi Republic Party, ekhuluma ngokumele bakwenze eZimbabwe.

Ekhuluma emhlanganweni webandla lakhe wokukhankasa oqhutshelwe eBerea Park eJohannesburg, umkhokheli webandla leMRP, uMnu. Mqondisi Moyo, uthe akekho owathi ngokufica kudliwa izibiliboco komakhelwana abesekhohlwa ngakibo.

Uthe bafuna abasemazweni babelendima abayidlalayo ezimpini eziliwa yiMRP ekhaya okugoqela ukulwa loncindezelo kwele MaNdebeleni, ukutshiywa ngaphandle kwabadabuka eMatabeleland leNkabazwe abafuna ukufundela ukuba ngomongikazi lokuvalelwa kwabo phandle kwamathuba omsebenzi.

“Sile more than 2 million people abantu bakithi abavela eMatabeleland behlukunyezwe nguhulumende weZanu PF. So, sibalandile lapha eGoli ukuthi sizobakhuthaza ukuthi kusamele sibuyele ekhaya siyelwela umhlabathi wabokhokho bethu lakho konke okungumnotho wethu osekuthethwe ngabanye abantu. Silibandla leMRP sizoqhubeka sibalwela kodwa esikucelayo yikuthi basixhase nxa sisasebenza khonangale ekhaya.”

Abanye abantu abangene umhlangano oqoqwe lobandla leMthwakazi Republic Party eBerea eJohannesburg kwele South Africa ...
Abanye abantu abangene umhlangano oqoqwe lobandla leMthwakazi Republic Party eBerea eJohannesburg kwele South Africa ...

Obona ngokuqoqwa kwenhlelo zaleli bandla kweleSouth Africa, uMnu. Absalom Sibanda, uthi zonke izizalwane zeZimbabwe eziphandle kwelizwe zilomlandu wokulungisa ezombusazwe lezomnotho ekhaya.

“Nxa nginanzelela abantu esilapha ngabantu abasebenzayo, ngabantu abasesebatsha abalamandla, yikuthi madoda, bosisi asisebenzeni sicabanga emuva lapho esisuka khona. Esikukhuthazayo yikuthi abantu abajoyine umbutho weMRP eyiyo elwela abantu bakithi and indlela esingazikhulula ngayo ayikho ayinye ngaphandle kokuthi sibambane sibeyinyandanye njengabantu bakomthwakazi.”

Okwethulwe libandla leli kutshaye kwazwela kwabanengi abafana loMnu. Richard Moyo, odabuka ePlumtree.

UMnu. Mqondisi Moyo labanye abakhe ...
UMnu. Mqondisi Moyo labanye abakhe ...

Bengisafisa kakhulu ukuthi abantu bakithi koMthwakazi abake bayibone kahle linto kaMRP bajoine ukuze sikwazi ukulungisa ikusasa labantwabethu ngoba ingane zethu zizahlupheka kusasa uma ngabe siyekela into zisiba ngale ndlela, sibaleka sizocatsha ngapha eSouth Africa. Yinto ebalulekileyo kakhulu.”

UMnu. Thulani Sibanda, odabuka eMzingwane eSigodini, laye ubecula culo linye ngemva komhlangano weMRP.

“… Ngijabule kakhulu mina ukuthi iMRP ikwazi ukuthi ivule abantu indlebe, ibavule amehlo ngokwenzeka nokuzokwenzeka empilweni. Engizokufisa singuMthwakazi yikuthi bayithathele phezulu lento futhi bazame ngamandla wonke ukuthi bayifake phambili kuzo zonke izinto abazenzayo, bayicabangingise sikwazi ukuba nobukhokheli obuqondile obungcono kulalokhu esibuya kukho njengamanje.”

Ibandla leMRP likhuthaze uzulu ukuthi angakhohliswa nguhulumende weZimbabwe othe ngokubulala ilizwe usekhala ngezijeziso zomnotho, kodwa bona balwise ngokuphindiweyo inkohlakalo lombuso otshaphaza amalungelo kazulu.

Facebook Forum

XS
SM
MD
LG