amalinks wokungena

IZimbabwe Yethula iBudget Yomnyaka Ozayo Efika $4.1 Billion

  • Mavis Gama

UMnumzana Patrick Chinamasa umpathintambo wezemali.

Umphathintambo wezemali lenthuthuko yomnotho welizwe, uMnu. Patrick Chinamasa, ngoLwesine wethule uluhlu lwendleko zikahulumende ezomnyaka ka 2017 olwemali engamadola angamabhiliyoni amane.

Ugatsha lwezomvikela luthole imali eyizigidi ezingamakhulu amathathu i$340 million kwathi ugatsha lwezempilakahle lwabelwa amadola ayizigidi ezingamakhulu amabili - $281 million kuphela.

Uluhlu lolu luvele selulesikwelede se $400 million.

UChinamasa utshele idale lephalamende ukuba lokhe sisibi isimo somnotho njengoba zilokhe zikhona inkinga ezingumgoqo ekuthuthukiseni ilizwe.

Uthe uhulumemde ukhangelele ukuthola amadola angamabhiliyoni amathathu - $3,7billion kodwa efunakalayo kumele kube ngengama billion amane - $4,1billion. Lokhu kutsho ukuba sekuvele kulesikwelede kungakangenwa kumnyaka ka 2017.

Inengi yalemali uhulumende azayiyithola uChinamasa uthe kuzokuba yindleko eziqondiswa kumiholo yezisebenzi zikahulumende.

Kodwa amalunga edale lephalamende kakhulukazi akumabandla aphikisayo okubalisa uSenator Sibusisiwe Buda Masara owe MDC-T, bathi inzima ibudget eyethulwe nguChinamasa, kakhulukazi kwezokungeniswa kwemali yohlobo lwama bond notes.

Kusungulwe umthelo wamasenti amathathu kudola linye elizasetshenziswa ukuthenga umoya kamakhalekhukwini. Imali le izafakwa esikhwameni semali ezibhekana lezokulondoloza impilakahle kazulu. Lokhu kunconywe kakhulu nguzulu.

Umgcinisihlalo we khomithi ebona ngezempilakahle, uDokotela Ruth Labode uthe umthelo lo kawusoze uncede uzulu.

Lanxa kuzakuba buhlungu ekuqaleni, uzulu ubona ingani uyalahlekelwa, uDr. Labode, esithi inyathelo leli lizolungisa ukusebenza kwale Health Fund.

UChinamasa uthi isiqokoqela sokuvuka komnotho welizwe yikuvuselelwa kwenhlangothi zonke zomnotho.

Ugatsha lwezemfundo ephansi lephezulu yilo eliphiwe imali enengi ukwedlula ezinye zonke. Lolugatsha luthole imali engamadola ayizigidi ezingamatshumi ayithoba minwe mibili, i$281 million.

XS
SM
MD
LG