Umkhokheli webandla eliphikisayo le MDC-T, uMnu. Nelson Chamisa, ngoLwesine wethekelele abagulayo esibhedlela seHarare Hospital asebelamaviki amabili bengelatshwa njengoba odokotela bekhalala umsebenzi besithi bafuna umqhatshi abengezelele ama allowances njalo abaphatha kahle.
Kube lokuxokozela kwenjabulo esibheldlea seHarare Hospital abongi bejabulela uMnu. Chamisa njalo bezama ukuthatha imifanekiso laye.
Ekhuluma lentathelizindaba ekulesi sibhedlela, uChamisa uthe uhulumende kumele akame ukutshona ehamba esithi osomabhizimusi babuye eZimbabwe yena esehluleka ukunakekela uzulu ngokuholisa kahle odokotela lokuphatha ngemfanelo.
Umongikazi, uNkosikazi Sukoluhle Banda, uthi abakuhulumende kabasoze bazihluphe ngokulungisisa umumo ezibhedlela ngoba bona bavele belabodokotela babo ababelapha lemuli zabo ngekhaya kumbe ezibhedlela ezizimeleyo.
Unobhala jikelele wenhlanganiso yabafundi eye Zimbabwe National Students Union (ZINASU), uMnu. Ashleigh Pfunye, uncome okwenziwe nguChamisa.
Ingcwethi ecubungula ezombusazwe, uMnu. Pride Mkono, uthi ukungazihluphi kuka hulumende ngokukhathaza odokotela kuveza ukuba akalandaba labantu.
Odokotela bathi bazaqhubeka bekhalala umsebenzi uhulumende aze alungisise izikhalazo zabo.