amalinks wokungena

Breaking News

Sezithwele Amagabha Avuzayo Izizalwane zeZimbabwe Ezihlala eBerea, Hillbrow leYeoville eSouth Africa


SAF Operation Fiela

Ludla amahabulo uhlelo lwe Operation Fiela endaweni ezihlala abeZimbabwe abanengi kwele South Africa lapho osekubotshwe khona abanengi abatholakale bengelamaphepha okuba selizweni ngokusemthethweni.

Badla imbuya ngoluthi abakwamanye amazwe abangelamvumo yokuba selizweni abahlala eHilbrow, eBerea le Yeoville ngemva kokuba amapholisa, amasotsha, abogatsha lwendaba zasekhaya, abezemithelo labezemithetho yemadolobheni bengene bengasadlanga nkotshana kula amalokitshi ngoLwesibili langoLwesithathu bezingela izigebenga phansi kohlelo lolu.

Kula amalokitshi kulapho okuhlala khona inengi labakwamanye amazwe ikakhulu abadabuka eZimbabwe.

Inengi laboke lithi lethuke kakhulu njengoba amaviyo alondoloza ukuthula la abengena ngesivuvu ezitezi, kuwiswa izivalo njalo kuhlolwa wonke umuntu ukuthi uselizweni na ngokusemthethweni. Kwezinye indawo bebevimba izitalada wonke odlulayo etshengisa ubufakazi bokuthi ungubani uzalwaphi.

Abezomvikela laba bebengena lasemabhawa kudingeka ukuthi izidakwa lazo ziziveze ukuthi zingobani. Isiszalwane seZimbabwe, uMnu. Tonny Drinkwater, uthi kuyacaca ukuthi loluhlelo ngolokubutha abaselizweni ngokungekho emthethweni.

“Iyangithinta ma isithinta labo abangelamaphepha ngoba kuyazakala ukuthi thina abeZimbabwe sibanengi kakhulu la. Nala amaphepha ayekhishiwe nguhulumende weSouth Africa awasenelisanga isikhathi saba sifitshane. Inengi lethu alilamaphepha. Izigebengu kulungile zibotshwe ...”

Abanye abaphatheka kuhlelo lwe Operation Fiela
Abanye abaphatheka kuhlelo lwe Operation Fiela

Esinye isiszalwane seZimbabwe, uNkosazana Mercy Mvundla, uthi kusegcekeni ukuthi into abebeyesaba ngaloluhlelo yiyo esisenzakala.

“Ngendlela okusuke kuqondiswe ngayo ebantwini usuka ubone ukuthi lokho okuthiwa yiFiela ebheka izigebengu ... kulihawu labo lokuvika bona injongo isuke ingeyokuchecker abantu abangelamaphepha.”

Esinye isizalwane seZimbabwe, uMnu. Moses Sibanda, uthi vele umangoye uyasola ukuthi loluhlelo lungaqondiswa kuzigebenga njengoba amapholisa amanengi esidla lazomganumunye.

“Into ebuya njalo ihluphe yikuthi ma kusenzakala zonke lezi izinto abantu aba affectekayo kakhulu kuzaba ngama illegal immigrants abantu abangelamaphepha kumbe abantu abazithengisela ezitaladeni abazama impilo igovernment engeke ikhone ukuba provider ngemisebenzi.”

Kodwake umphathintambo wogatsha lwezamapholisa umnumnzana Fikile Mbalula uthi akula olecala loba linganani ozacezwa yiloluhlelo.

Kusenjalo abakwamanye amazwe emalokitshini e Kagiso leKrugersdorp bathe sekuqhamuke ixenophobia kule indawo. Kumalanga asanda kwedlule izakhamizi zemalokitshini la zingene ezitaladeni, zatshisa izindlu lababhizimusi abakwamanye amazwe ebebethesa umlandu wokuthengisa izidakamiswa lokumemethekisa ukuthengiswa kocansi.

Umnumnzana Mbalula owethekelele lezi indawo wakhuluma lezakhamizi, uthe lobanje engavumelani lokutshiswa kwempahla, kungensuku zatshwala uOperation Fiela uzalubhekisa khona esiyathanyela izigangi lezi ezihlukumeza izakhamizi.

Ludla Amahabula Uhlelo Lwe Operation Fiela Kwele South Africa
please wait

No media source currently available

0:00 0:03:06 0:00

Facebook Forum

XS
SM
MD
LG