amalinks wokungena

Breaking News

Constantino Chiwenga: IZimbabwe Yamukela Bonke Osomabhizimusi Bakwamanye Amazwe


URetired General Constantino Chiwenga.

Annastacia Ndlovu

Umhlangano wabamabhizimusi oweInternational Business Confernece uvulwe okusemthethweni ngoLwesithathu koBulawayo ngumsekeli kaMongameli, uRetired General Constantino Chiwenga, lapho atshele khona umphakathi ukuthi ilizwe leZimbabwe lizimisele ukwamukela osomabhizimusi bakwamanye amazwe.

Embikweni wakhe wokuvula lumhlangano, uMsekeli kaMongameli uChiwenga uphinde wabonga amazwe abalisa eleBostwana, lele Ethopia kanye leGhana, Indonesia, Japan, Kenya, Malawi, Mozambique, Zambia, South Africa, Tanzania, Germany, Namibia, Malaysia, India, China, Cyprus, Ghana, leUnited Arab Emirates ngokuza embukisweni walonyaka owe Zimbabwe International Trade Fair kanye lokuphatheka emhlanganweni wabosomabhizimusi.

UChiwenga uthi iZimbabwe iyamukela wonke amazwe afisa ukuzosungula amabhizimusi njalo lalabo abafuna ukutshala imali bakhululekile ukwenza lokhu ngoba ezamabhizimusi elizweni zisobala.

Usole kakhulu imisebenzi yenkohlakalo kanye lokuswelakala kwemali elizweni esithi kodwa loba kunjalo asekhona amazwe aseveze isifiso sokusungula amabhizimusi eZimbabwe.

Ilunga ledale leBoard ebona ngezentuthuko yenotho eyeSpecial Economic Zones, uMnu. Busisa Sibanda, ongumqondisi njalo wenkampani yeZimbabwe United Refineries, ucele ukuba amankampani azimeleyo lohulumende bahlangane ngemva kwenyanga ezintathu sikhathi sonke ukuze kube lokusebenza okulempucuko.

UChiwenga ukwemukele lokhu ngenhliziyo emhlophe nke.

UMoyo uthi uhlelo lweSpecial Economic Zones luqhubekela phambili kuhle nialo zikhona indawo asebekhangelele ukuziguqula ezweni zibe ngamabhizimusi athuthukisa isigaba ngemvelo abalayo.

Omunye usomabhizimusi wakoBulawayo, uNkosikazi Sheilla Sidambe, ongene lumhlangano uveze ukujabulela umhlangano walonyaka wamabhizimusi esithi kukhona asebekutholile njengabosomabhizimusi besifazana.

Umbukiso weZITF walonyaka oqalise ngoLwesibili uzagqitshwa ngoMgqibelo. Kusukela ngoLwesibili kusiya fika ngoLwesine zinsuku zabosomabhizimusi.

Uzulu uzangena embukisweni lo ngoLwesihlanu langoMgqibelo. Umbukiso walonyaka uqhutshwa ngaphansi kwesihloko esithi ‘Sustainable Industrial Development-Inclusive Competitive Collaborative’.

Udaba Esilethulelwe NguAnnastacia Ndlovu
please wait

No media source currently available

0:00 0:04:56 0:00

Facebook Forum

XS
SM
MD
LG