amalinks wokungena

Ibandla lePDP Lingena Kumanyano weCoalition of Democrats

  • Mavis Gama

UMnu. Tendai Biti labanye bakhe besanda kungena kumanyano we Coalition of Democrats.

Umkhokheli welinye lamabandla aphikisayo ele People’s Democratic Party, uMnumzana Tendai Biti, amabandla alakho ukukhipha uMongameli Robert Mugabe esikhundleni nxa engamanyana.

UBiti wethule amazwi la ngoLwesine eHarare esanda kuloba ugwalo lokungenisa ibandla lakhe kumanyano weCoalition of Democrats.

Lokhu kugcizelelwe ngumsekeli webandla leli, uMnu. Kucaca Phulu, othe baphuze kancane ukungena kumanyano lo ngenxa yokuthi babefuna ukukhulumisana labalandeli babo ngodaba lolu.

Abalandeli bebandla lePDP ngoLwesine lapho okade kulotshwa khona isivumelwano somanyano weCoalition of Democrats.
Abalandeli bebandla lePDP ngoLwesine lapho okade kulotshwa khona isivumelwano somanyano weCoalition of Democrats.

Unxuse amanye amabandla aphikisayo anjenge MDC-T ekhokhelwa nguMnu. Morgan Tsvangirai, ele Zimbabwe People First elikhokhelwa nguNkosikazi Joice Mujuru lamanye ukuba bangene kumanyano lo.

Kulamanye amabandla avele akumanyano lo agoqela ele Zapu elikhokhelwa nguMnu. Dumiso Dabengwa.

Abakumanyano lo bathi bakhengelele ukuthi bakhiphe uMugabe embusweni kukhetho oluzakwenziwa ngomnyaka ozayo.

Facebook Forum

XS
SM
MD
LG