amalinks wokungena

Breaking News

Ilizwe leBotswana Lithi uMphoko Obaleke eZimbabwe Ulelungelo Lokuhlala Kulelolizwe


Esabusa labanye bebandla leZanu PF ... UMnu. Phelekezela Mphoko ucatshe kwele Botswana.

Uhulumende weBotswana uselandule imbiko ethi owayengumsekli kamongameli welizwe, uMnu. Phelekezela Mphoko, usephiwe amalanga ambalwa ukuthi aphume aphele elizweni lelo njengalokho okuphume emaphephandabeni.

Umphathintambo obona ngobudlwelwano lamanye amazwe kanye lendaba ezenzakala phandle kweleBotswana, uNkosikazi Pelonomi Venson-Moitoi, uvumile ukuthi uMphoko ukhona kwele Botswana.

Kodwa uyale imbiko ebhalwe ngamanye amaphephandaba ethi eleBotswana selinikeze uMphoko kuze kufike ngoLwesihlanu ukuthi aphume aphele elizweni.

UVenson-Moitoi uthi uMphoko, njengaye wonke umuntu, ukhululekile ukwethekelela eBotswana njalo uzahamba eZimbabwe ngesikhathi afuna ngaso.

Ekhuluma ese Abidjan eIvory Coast, uVenson Moitoi, uthe iBotswana lilizwe elikhululekileyo ngakho uMphoko uyamukelekile nxa efuna ukuhlala khona.

Uthi uhulumende weBotswana wanikeza uMphoko indawo yokuhlala ngesikhathi efika ebaleka eZimbabwe esithi impilo yakhe isengozini kulandela ukungena esikhundleni kukaMongameli Emmerson Mnangangwa.

Omunye weZimbabwe oseGaborone ocubungula ngezombusazwe uthi ungathi kuyamangalisa ukuthi ngesikhathi uMongameli Ian Khama ethakazelela ukungena kukaMnangagwa, kodwa ngakwelinye icele evikela ababedlelana lowayengumongameli umnunzana Robert Mugabe.

"Ungathi iyamangalisa ngoba ungathi uhulumende weBotswana usekela uhulumende omutsha eZimbabwe, kodwa ngakwesinye isandla, evikela ababekucele lika Mugabe. Kodwa ngokubona kwami, ngibona engani uhulumende weBotswana usekela ukuthula eZimbabwe."

Uqhubeke esithi ukugcina uMphoko yikumnikeza ithuba lokuthi asuthiseke ukuthi umumo eZimbabwe usulungile ukuthi abuyele.

"Bamnika ithuba lokuthi laye abe ebuza ukuthi engenelisa ukubuya yini ekhaya. Ayisiyo ndaba yokumvikela. Kumele aqale asuthiseke engabi lokwesaba ukuthi uzathi efika eZimbabwe alahlelwe ejele."

UMphoko kubikwa selobele uMnangagwa incwadi etshengisa isifiso sokuphindela ekhaya njalo uhulumende omutsha umtshele ukuthi akulazilwane ezimlindeleyo ngakho-ke kumele abuyele ekhaya.

Facebook Forum

XS
SM
MD
LG