amalinks wokungena

Breaking News

Balahlelwa Khatshana Abesifazana Kukhetho Lwama Primaries Lwebandla leZanu PF


Abesifazana abasemhlanganweni wokukhankasela ukhetho oluzayo.

Annastacia Ndlovu

Ngokugqitshwa kokhetho lwama primaries awebandla leZANU-PF, impumela yalo yemukelwe ngensolo enkulu abesifazana bekhala ngokuthi batshiywe phandle ngoba beyisilinganiso esiyingcosana sabakhethiweyo ngesikhathi kulungiselelwa ukhetho olukhulu lwelizwe lokudinga umongameli, amalunga edale lephalamende lamakhansili.

Inani labesifazana abazangena edale lephalamende bemele ibandla leZanu PF lilakho ukwehla okumangalisayo.

Impumela yokhetho lwama primaries iveza ukuthi phakathi kwamalunga alikhulu lamatshumi ayisificamunwe munye, abalitshumi lasifica munwe munye kuphela ngabesifazana.

UNkosikazi Joice Mujuru, uNkosazana Thokozani Khupe loNkosikazi Lucia Matibenga.
UNkosikazi Joice Mujuru, uNkosazana Thokozani Khupe loNkosikazi Lucia Matibenga.

Lolukhetho belulobuqili, ubudlwangudlwangu, ukubophisana, kanye lokuswelakala kwamabizo amalunga ebandla kuluhlu lwabazavota, okucine kubangela ukuba abanye banqotshwe kudala ingxabano ebandleni.
Ommela isiqinti seMzingwane edale lephalamende, uNkosikazi Priscilla Misihairambwi Mushonga, uthi impumela yokhetho lwama primaries ebandla elibusayo iveza sobala ukuba amabandla yiwo avimba abesifazana ukuba bangene kwezombusazwe.

Umkhokheli welinye icele lePeople’s Democratic Party, uNkosikazi Lucia Matibenga, uvumelane esithi ubudlwangudlwangu obubekhona ngesikhathi sama primaries awebandla leZANU-PF benze abesifazana bahlehlela emuva.

Thokozani Khupe
Thokozani Khupe

Umongameli welinye lamacele aweMDC-T, uNkosazana Thokozani Khuphe, uthi limpumela iyamangalisa ngoba inengi labomama abadlula izigidi ezimbili lengxenye babhalisele ukuvota ngaphansi kohlelo lweBiometric Voter Registration (BVR).

Amalunga ebandla elibusayo bayalile ukukhuluma ngodaba lwenani eliphansi besithi ukhetho belungakhululekanga.

Ilunga ledale lephalamende uNkosazana Irene Zindi laye uphanyeke ukukhonona kwakhe enkundleni zokukhulumisana ezebulenjini ngokungakhululeki kokhetho lolu ngemva kokunqotshwa kwakhe.
Lonyaka abesifazana abalwela amalungelo obulili bathi ukhetho lwalonyaka ngolwabomama. Lokhe ibandla elibusayo labalokhetho lwama primaries, abakaze babelenani labesifaznana eliphansi kangaka embalini yalelibandla osekudale ukukhonona kumalunga ebandla.

Udaba Esilethulelwe NguAnnastacia Ndlovu
please wait

No media source currently available

0:00 0:03:18 0:00

Facebook Forum

XS
SM
MD
LG